ანა ტატიშვილის მოთელვა უიმბლდონზე

ჩოგბურთი 17-ივნ, 10:459 Sportnews 2122 0






21 წლის ანა ტატიშვილი (120) კარიერაში პირველად ითამაშებს უიმბლდონის ტურნირის ძირითად ბადეში. ჩვენებური დღეს შეიტყობს მომავალი მეტოქის ვინაობას, თუმცა ის უკვე ჩაერთო ლონდონის კორტებზე ბატალიებში - ანამ წყვილთა ბადეში ითამაშა, თუმცა ხელი მოეცარა.

წყვილებში ტატიშვილი საკვალიფიკაციო ბადიდან ჩაერთო და ჰოლანდიელ არანჩა რუსს (104) შეუამხანაგდა. მათ მე-4 ნომრად განთესილ ამერიკელებთან (ლინდსეი ლი-უოტერსი, მეგან მაულტონ-ლევი) წააგეს ორ სეტში - 3:6, 3:6.

სტამბოლის საერთაშორისო ტურნირში (25 ათასი დოლარი) ყოჩაღობს პირველ ნომრად განთესილი მაკა ჩახნაშვილი (221). მაკამ მერვედფინალში "უაილდ ქარდით" მიწვეული თურქი მელის სეზერი (690) დაამარცხა - 7:5, 6:4. მეოთხედფინალში ქართველის მეტოქე რუმინელი ლაურა-იოანა ანდრეია (475).

ხარკოვის ტურნირში (25 ათასი დოლარი) პირველ ნომრად განთესილი სოფიო შაფათავა (299) კი უკვე ნახევარფინალშია. მერდვედფინალში მან მასპინძელ მარიანა ზაკარლიუკს (860) მოუგო - 6:2, 7:5. ამავე რაუნდში გათამაშებას ეკა გორგოძე (543) გამოეთიშა, რომელმაც "უაილდ ქარდით" მიწვეულ უკრაინელ ოლგა იანჩუკთან (1146) წააგო - 6:1, 6:7 (5), 5:7.

მეოთხედფინალში შაფათავამ მე-6 ნომრად განთესილ უკრაინელ ვალენტინა ივახნენკოს (379) მოუგო - 6:4, 3:6, 6:2. ნახევარფინალში ჩვენებურს 19 წლის რუსი იანა ბუჩინა (485) ელის.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:









დაწერე კომენტარი

მსგავსი სიახლეები
კომენტარის დატოვება






რეკლამა

კონტაქტი

ელ-ფოსტა: admin@esport.ge

ნავიგაცია

სტატისტიკა

2010-2018