საქართველოს პირველმა ჩოგანმა, მსოფლიო კლასიკიფიკაციით 85-ე ადგილზე მყოფმა ანა ტატიშვილმა 12 აპრილს ლეილა მესხის სახელობის კორტებზე ბავშვთა ასაკის გოგონებისათვისა და ბიჭებისათვის საჩვენებელი ვარჯიში და მასტერ-კლასი გამართა.

ტატიშვილმა იმ ასაკის პატარებთან ივარჯიშა, რომელსაც თბილისის 2015 წლის ევროპის ოლიმპიური ფესტივალისათვის მზადების პროცესში არიან ჩართულნი. ტატიშვილის მასტერ-კლასს საქართველოს ჩოგბურთის ფედერაციის პრეზიდენტი - ლეილა მესხი და თბილისი 2015-ის სპორტული დირექტორი, სპორტისა და ახალგაზრდობის საქმეთა სამინისტროს აპარატის უფროსი - ირაკლი სამყურაშვილი დაესწრნენ.

საქართველოს პირველი ჩოგანი თბილიში კიდევ რამდენიმე დღეს გაატარებს, 15 აპრილს კი ეგვიპტის დედაქალაქ ქაიროში გაემგზავრება, სადაც 18-21 აპრილს საქართველოს ქალთა ნაკრები ფედერაციის თასზე ევროპა-აფრიკის II ზონის ტურნირზე მიიღებს მონაწილეობას. ფედერაციის თასზე ტატიშვილთან ერთად სოფო შაფათავა და სოფო ქვაცაბაია ითამაშებენ, გუნდის კაპიტანი კი ლალი ზერეკიძე იქნება.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს: