ქართველთა ტრიო ფედერაციის თასზე აღზევდა

ქართული ჩოგბურთი 22-აპრ, 15:189 Sportnews 2375 1






საქართველოს ქალ ჩოგბურთელთა ნაკრებმა 2008 წლის შემდეგ I ჯგუფში თამაშის უფლება მოიპოვა. ქაიროში ფედერაციის თასის ევრო-აფრიკული ზონის II ჯგუფის გათამაშების ჯგუფურ ეტაპზე საქართველოს ნაკრებმა ერთმანეთის მიყოლებით დაამარცხა ნორვეგიის (3:0), ლატვიისა (2:1) და თურქეთის (3:0) გუნდები, ნახევარფინალში კი A ჯგუფის მეორეადგილოსანი მოტენეგროს 3:0 სძლია.

ქართველი ჩოგბურთელების დამრიგებელმა ლალი ზერეკიძემ ეგვიპტეში მხოლოდ სამი გოგონა – ანა ტატიშვილი (მსოფლიოს 85-ე ჩოგანი), სოფო შაფათავა (267) და სოფო ქვაცაბაია (377) იახლა და არც შემცდარა. ქართველთა სამეულმა მიზანს სირთულეების გარეშე მიაღწია.

მეორე ნახევარფინალში თურქეთმა სამხრეთ აფრიკას ასევე 3:0 მოუგო და ევრო-აფრიკული ზონის I ჯგუფში ქართველებთან ერთად აღზევდა. საქართველომა და თურქეთმა ზედა დონეზე ესტონეთი და საბერძნეთი ჩაანაცვლეს და გაისად მეტოქეებად ავსტრია, პოლონეთი, პორტუგალია, რუმინეთი, ბულგარეთი, უნგრეთი, ხორვატია, ისრაელი, ბოსნია-ჰერცეგოვინა, ჰოლანდია, ლუქსემბურგი და მსოფლიო ჯგუფი II-ის პლეი-ოფებში დამარცხებული ორი გუნდი ეყოლებათ



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:









დაწერე კომენტარი

მსგავსი სიახლეები
კომენტარები 1

Richie 23-აპრ, 12:17

აუ ტატიშვილი მაგარია მაგრად მევასება რა winked
კომენტარის დატოვება






რეკლამა

კონტაქტი

ელ-ფოსტა: admin@esport.ge

ნავიგაცია

სტატისტიკა

2010-2018