Image

დინამოს ფრე ტრადიციად ექცა

ფეხბურთი / საქართველო 06-აპრ, 21:599 Dark Dante 1349


დინამო არენაზე გამართული დინამო 1:1 მეტალურგის შემდეგ, ტრადიციულად მატჩისშემდგომი პრესკონფერენცია გაიმართა.

კობა ჟორჟიკაშვილი – დინამოსთან თამაში რომ რთული იქნებოდა, ეს თავიდანვე ვიცოდით. ჩვენ ძირითადის ორი ფეხბურთელი მოვისაკლისეთ, გივი კვარაცხელია, რომელიც დისკვალიფიკაციის გამო დაგვაკლდა და გიორგი თექთურმანიძე, რომელსაც დისკვალიფიკაციის მიუხედავად, მაინც არ მოუწევდა დღევანდელ დაპირისპირებაში მონაწილეობის მიღება, ვინაიდან იგი სწორედ დინამოს საკუთრებაში იმყოფება. აქედან გამომდინარე შემადგენლობაში და თამაშის მონახაზში იძულებითი ცვლილებების განხორციელება მომიწია. ჩვენთვის ძალიან რთული იყო მეტოქის სავარაუდო შემადგნელობის გამოცნობა. ჩემი კოლეგა ჯერ კიდევ ოპტიმალური შემადგენლობის ძიებაში არის – დინამოს შემადგენლობაში ასეთი ხშირი როტაცია სწორედ ამით არის განპირობებული. ყველაფრის მიუხედავად ჩემმა ბიჭებმა მოახერხეს და არ წააგეს შეხვედრა, რისთვისაც მათ განსაკუთრებული მადლობა მინდა გადავუხადო.

გიორგი დევდარიანი – ის რომ საკადრო პრობლემები გვაქვს და ყოველ თამაშზე ახალ–ახალი სათამაშო მონახაზით გვიწევს მოედანზე გასვლა, სულაც არ არის გასაკვირი. გუნდში არსებულ საკადრო პრობლემებს გიორგი მერებაშვილის, ჩისკოს და გიგიტა გოგუას ტრავმა დაემატა. გუნდში შექმნილი სიტუაციიდან გამომდინარე ავარჩიეთ ჯანმრთელი 11 ფეხბურთელი და ამ პრინციპით შევარჩიეთ სასტარტო შემადგენლობა. შემადგენლობიდან გამომდინარე შეხვედრა კონტრშეტევებზე ავაგეთ. რუსთაველთა მძიმე დაცვას, შედარებით ძლიერი თავდასხმის ხაზი დავუპირისპირეთ და ვცდილობით მეტოქის შეცდომები მაქსიმალურად გამოგვეყენებინა. დღეს სამწუხაროდ არა გამართული და ლამაზი ფეხბურთის ჩვენება, არამედ მხოლოდ რეზულტატია მთავარი. რომ არა დასანანი შეცდომა დღევანდელი შეხვედრის მოგებაც შეგვეძლო. ეს დინამოს თამაში არ არის.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Sportnews 8 აპრილი 2012 01:35
ციტატა: Richie
ასე დინამო სულ გაფუჭდება! რისთვის მოიყვანეს ეს ესპანელები ან რისთვის დააბრუნებს ქართველები? პირველად ისტორიაში შეიძლება ევროტურნირების საგზურის გარეშე დავრჩეთ, უნდა გადადგეს ყველა!


სერიოზული გამოსვლაა wink დინამო უეჭველი მოხვდება ევროპის საკვალიპიკაციოზე და მერე ზაფხული და იქითა წელი დევდარიანს უნდა აცალონ, რომ თავის გემოზე დააკომპლექტოს გუნდი
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი
Richie 7 აპრილი 2012 08:06
ასე დინამო სულ გაფუჭდება! რისთვის მოიყვანეს ეს ესპანელები ან რისთვის დააბრუნებს ქართველები? პირველად ისტორიაში შეიძლება ევროტურნირების საგზურის გარეშე დავრჩეთ, უნდა გადადგეს ყველა!
შემოგვიერთდით
რეკლამა
არქივი
იანვარი 2019 (352)
დეკემბერი 2018 (540)
ნოემბერი 2018 (413)
ოქტომბერი 2018 (437)
სექტემბერი 2018 (574)
აგვისტო 2018 (535)
რეკლამა