რვავე მეოთხეფინალისტი ცნობილია

რვავე მეოთხეფინალისტი ცნობილია

15-03-2012, 15:30

ინგლისსა და ესპანეთში გუშინ უეფას ჩემპიონთა ლიგის ბოლო ორი მეოთხედფინალისტის ვინაობა გაირკვა.

ნეაპოლში 3-1 წაგებული მატჩის შემდეგ ლონდონის "ჩელსიმ" იტალიის "ნაპოლი" სტემფორდ ბრიჯზე მიიღო.

ანგარიშის გახსნა მასპინძლბმა 29-ე წუთზე დიდიე დროგბას შედეგიანი დარტყმით მოახერხეს. მეორე ტაიმის მესამე წუთზე ჯონ ტერიმ სხვაობა ორამდე გაზარდა.

55-ე წუთზე ინლერმა ანგარიში 2-1 გახადა. მატჩის დასრულებამდე 15 წუთით ადრე კი ფრენკ ლამპარდმა თერთმეტმეტრიანი ნიშნულიდან "ნაპოლის" კარი მესამედ აიღო და საუკეთესოს გამოსავლენად დამატებითი დრო დაინიშნა.

მატჩში გადამწყვეტი 105-ე წუთი გამოდგა. ბრანისლავ ივანოვიჩმა დესანკტისის კარი მეოთხედ აიღო და საკუთარ გუნდს მომდევნო ეტაპის საგზური მოუტანა.

მეოთხედფინალში თამაშის უფლება მოიპოვა მადრიდის "რეალმა", რომელმაც "ცეესკა" 4-1 დაამარცხა. მეოთხედფინალური ეტაპის კენჭისყრა შვეიცარიის ქალაქ ნიონში 16 მარტს გაიმართება.

საბოლოოდ მეოთხედფინალში შემდეგი რვა გუნდი ითამაშებს: აპოელი", "ბენფიკა", "ბარსელონა", "მარსელი", "ბაიერნი", "ჩელსი", "მილანი" და "რეალი". კენჭისყრა ხვალ, თბილისის დროით 14:45 საათზე გაიმართება და ცნობილი გახდება დაწყვილებულთა ვინაობა.

მოგეწონათ ჩვენ მიერ შემოთავაზებული სტატია? გთხოვთ მოიწონოთ ან გააზიაროთ :
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით