დღეს საქართველოს ჩემპიონატის XXIV ტურის პირველი შეხვედრა გაიმართა , სადაც ერთმანეთს "დინამო" და "სამტრედია" დაუპირისპირდნენ.

როგორც მოგეხსენებათ ეს შეხვედრა რუსთავში "ფოლადის" სტადიონზე გაიმართა , ფორმალური მასპინძელი "დინამო" იყო და ამ შეხვედრაშიც ფავორიტი რა თქმა უნდა "დინამო" იყო , "დინამომ" ფავორიტს სტატუსი გაამართლა და მეტოქე 7:1 გაანადგურა.

შეხვედრაში "დინამომ" სწრაფი გოლი გაიტანა, ანგარიში მე-3 წუთზე, “დინამოს” ბოსნიელმა ლეგიონერმა, პეტარ იელიჩმა გახსნა , მე-11 წუთზე, მეტოქის კარი ლევან ხმალაძემ აიღო, ხოლო 24-ზე სამტრედიელმა გიორგი ხუმარაშვილმა ბურთი საკუთარ კარში ჩაჭრა.

64-ე წუთზე, სტუმრები კამერუნელმა დონალდ ჯუსმა დაამწუხრა, 72-ე წუთზე კი, ზურაბ არზიანმა “დინამოში” პირველი გოლი მიითვალა. 75-ე წუთზე, კვლავ ხმალაძის ჯერი დადგა, ხოლო 77-ე წუთზე, ჯუსმა თანაგუნდელის მიღწევა გაიმეორა და დუბლი მიითვალა. სამტრედიელთა მხრიდან კი პრესტიჟის გოლი გოგიშვილმა გაიტანა.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს: