Image

ახალგაზრდული ნაკრები ავსტრიაში საერთაშორისო ტურნირზე ითამაშებს

საქართველო 18-მარ, 13:059 admin 2307


















საქართველოს 21-წლამდელთა ნაკრები 23-29 მარტს, ავსტრიის ქალაქ კლაგენფურტის ოთხთა ტურნირზე ითამაშებს, სადაც ოთარ გაბელიას გუნდის გარდა ისრაელის, რუმინეთისა და ალბანეთის 21-წლამდელთა ნაკრებები გამოვლენ. მოახლოებული საერთაშორისო ტურნირისთვის გაბელიამ შემადგენლობა დაასახელა. ახალგაზრდული ნაკრების მწვრთნელს თავიდან 36 ფეხბურთელი ჰყავდა შერჩეული და საბოლოო არჩევანიც აქედან გააკეთა, როდესაც ავსტარიაში წასაყვანი 20 ფეხბურთელი დაასახელა.

ტრავმა აქვს იტალიური "ემპოლის" ფორვარდ ლევან მჭედლიძეს და 23 მარტამდე სრულყოფილ ფორმაში შესვლას ვერ მოასწრებს. ლევან ყენია ნაოპერაციევია და სულ ცოტა, 5 თვე ვერ ითამაშებს, ხოლო ჯანო ანანიძე ეროვნულ ნაკრებშია გამოძახებული. რაც შეეხება გერმანული "ვოლფსბურგის" შემტევ ნახევარმცველ აკაკი გოგიას, საქართველოს ფეხბურთის ფედერაციიიდან მას მოწვევა გაუგზავნეს და გოგიასგან პასუხიც მოვიდა - მან დიდი მადლობა გადაიხადა მოწვევისთვის, მაგრამ მოიწერა, რომ ამ ეტაპზე ჩამოსვლა ვერ მოხერხდება.

ოთარ გაბელიამ სათადარიგო ფეხბურთელებიც შეარჩია, თუ ძირითად გუნდში, რომელიმე ფეხბურთელი დაშავდა ეს ბიჭები მათ ჩაანაცვლებენ - მეკარე გიორგი ნადირაძე ("დინამო" თბილისი), მცველი თორნიკე კაკუშაძე ("მერანი"), ნახევარმცველები - ვაკო ყაზაიშვილი ("საბურთალო") და თორნიკე თარხნიშვილი ("ტორპედო" ქუთაისი).

ეს გაბელიას ახალი ნაკრებია, რომელმაც ევრო-2013-ის შესარჩევ ეტაპზე უნდა ითამაშოს, სადაც ჯგუფში მეტოქეებად ხორვატია, ესპანეთი, შვეიცარია და ესტონეთი ეყოლებათ. ქართველები შესარჩევის პირველ მატჩს 3 ივნისს, ხორვატიის ქალაქ პულაში, მასპინძელთა ნაკრებთან გამართავენ. ქართველი 21-წლამდელები, 21 მარტს, გამთენიისას გაფრინდებიან ავსტრიაში.

საქართველოს 21-წლამდელთა ნაკრები

მეკარეები: გიორგი მაკარიძე ("ლე მანი", საფრანგეთი), თორნიკე ზარქუა ("დინამო" თბილისი);

მცველები: ლევან კაკუბავა, ნიკა კვეკვესკირი (ორივე - "დინამო" თბილისი), ნიკა აფაქიძე ("ბაია"), გიორგი ოთარიშვილი ("სპარტაკი" ცხინვალი), გიორგი კაჭკაჭიშვილი ("დინამო" ბათუმი), მამუკა კობახიძე ("ზესტაფონი");

ნახევარმცველები: თორნიკე ოქრიაშვილი ("ილიჩევეცი", უკრაინა), ნიკა ძალამიძე ("ვიძევი", პოლონეთი), თემურ შარაშენიძე ("დიორი", უნგრეთი), ირაკლი კვეკვესკირი (პეჩ, უნგრეთი), გიორგი თექთურმანიძე ("დინამო" თბილისი), ივანე კანდელაკი (უკლუბოდ);

თავდამსხმელები: გიორგი ჭანტურია ("ვიტესი", ჰოლანდია), ირაკლი შეყილაძე ("ემპოლი", იტალია), გიორგი ილურიძე ("ანჟი", რუსეთი), ირაკლი ქობალია ("ბაია"), დავით კაკულია ("ოლიმპია", მოლდოვა), დავით ხოჭოლავა ("საბურთალო").

მატჩების ჩატარების განრიგი

23 მარტი: საქართველო-ისრაელი, ალბანეთი-რუმინეთი
26 მარტი: საქართველო-ალბანეთი, რუმინეთი-ისრაელი
29 მარტი: საქართველო-რუმინეთი, ალბანეთი-ისრაელი

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
მაისი 2019 (262)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
დეკემბერი 2018 (539)
რეკლამა