Image

ვისთვის სასირცხვილო, ჩვენთვის ისტორიული და საამაყო!

საქართველო / უცხოური ფეხბურთი / ევროტურნირები 27-მარ, 16:179 Sportnews 2097


















ხორვატიის ნაკრებთან ისტორიული მოგებული შეხვედრის შემდეგ , კომენტარი გააკეთეს ორივე გუნდის ფეხბურთელებმა და მთავარმა მწვრთნელებმა.

ჩვენი ფეხბურთელების კომენტარებიდან ჩანდა , რომ ეს დღე ჩვენთვის საამაყო იყო , ანალოგიურ განწყობაზე იყო თემურ ქეცბაია , რაც შეეხება ხორვატიის ნაკრების ფეხბურთელებს და მათ მწვრთნელს მათვის ეს დღე სამარცხვინო იყო ნამდვილად , მთლიანობაში კი 2011 წლის 26 მარტი ქართული ფეხბურთის ისტორიაში დიდი ასოებით ჩაიწერება და ეს დღე მომავალი წარმატებიბის საწინადარია.

საქართველოს ნაკრები


ლევან კობიაშვილი: “პირველ რიგში, დიდი მადლობა ყველას. ევროპის ერთ-ერთ საუკეთესო გუნდთან მოგება მართლაც რომ საამაყოა და ასეთი ბედნიერი დღე, ალბათ, იშვიათად მქონია. რა ვთქვა, უკვე არ ვიცი... გოლის მომენტი არასოდეს დამავიწყდება. და არც ეს დღე დამავიწყდება. ბედნიერი ადამიანი ვარ”.

დავით სირაძე: “ძალიან გახარებულები ვართ. დიდი როლი ითამაშა ჩვენმა მონდომებამ და ჯგუფის ფავორიტს მოვუგეთ. ულაპარაკოდ, ერთ-ერთი ყველაზე ბედნიერი დღეა ჩემს კარიერაში”.

ოთარ მარცვალაძე: “ძლიერ მეტოქეს არ შევუშინდით, სწორად ვითამაშეთ და ვფიქრობ, არანორმალური მონდომების წყალობით მოვიგეთ. რაც შეეხება საგოლე პასს, ამ მომენტს ვერასოდეს დავივიწყებ. კარგად მივიღე ბურთი და დანარჩენი უკვე თავადაც ნახეთ”.
აკაკი ხუბუტია: “ჯერ ვერ გამოვსულვარ “შოკიდან”. ხორვატიის ნაკრები ძალიან ძლიერი გუნდია, მაგრამ ბოლომდე კონცენტრაციით ვითამაშეთ და მთელი საქართველო გავახარეთ. ბედნიერები ვართ”.

ზურაბ ხიზანიშვილი: “ვულოცავ ყველა გულშემატკივარს და მთლიანად საქართველოს. როგორც ვითამაშეთ, ისე უნდა გვეთამაშა. ძნელია, როცა ლუკა მოდრიჩს, ნიკო კრანჩარსა და მათსავით ფეხბურთელების წინააღმდეგ ხარ, თამაში გახსნა. ნამდვილი ბრძოლა იყო, ყველა ფეხბურთელმა მაქსიმუმი გავიღეთ და შედეგიც მივიღეთ. ბედნიერები ვართ. რა თქმა უნდა, ჩემს კარიერაში ერთ-ერთი უმნიშვნელოვანესი გამარჯვება იყო. წინ კი ისრაელთან მატჩია და ბოლომდე კონცენტრირებულები უნდა ვიყოთ”

თემურ ქეცბაია:"ძალიან ძნელი თამაში იყო , მაგრამ ბიჭების თავდადებამ და თავიანთი "ჯიგარის" ჩადებით , მოხერხდა ის , რომ რაც ბევრი ჩვენგანისთვის შეიძლება ზღაპარას წარმოადგენს, მაგრამ თუ არის მონდომება ყველაფრის გაკეთება შეიძლება და დღეს ამ ბიჭებმა ეს ყველას დაანახეს , დიდი მადლობა ბიჭებს , რაც დღეს მათთავდადება გამოიღეს და მსოფლიოს ერთ-ერთი საუკეთესო გუნდი დავამარცხეთ"

ხორვატიის ნაკრები


ლუკა მოდრიჩი:"რა უნდა ვთქვა? ყველანი გაწბილებულები ვართ და ეს ერთი დიდი კატასტროფაა. ვაღიარებ - მრცხვენია. რაც ნაკრებში ვთამაშობ, საქართველოს დარ ნაკრებთან არასოდეს წაგვიგია. ჩვენ სრული მობილიზება უნდა მოვახდინოთ და ხასიათი გამოვიჩინოთ, რომ ეს თამაში დავივიწყოთ”.

ივან რაკიტიჩი: “ვერ ამიხსნია, რისი ბრალია. რატომღაც, ჩვეულად აგრესიულები და მოტივირებულები ვერ ვიყავით. ეს ხორვატიის ნაკრების ერთ-ერთი უცუდესი მატჩი იყო”.

ვედრან ჩორლუკა: “სუსტად ვითამაშეთ შეტევაში. პირველ ტაიმში არ ვჩქარობდით, ხოლო მეორე 45 წუთში მასპინძლებს კონრშეტევების საშუალება ხშირად მივეცით. ვფიქრობ, შეტევაში ცუდი თამაშის გამო წავაგეთ”.

სლავენ ბილიჩი:"თქვენ ჯგუფიდან გასვლის კარგი შანსი გაქვთ , მართალია ჩვენ თქვენზე 1 ქულით წინ ვართ , მაგრამ დღევანდელი მოგების შემდეგ თქვენ კარგ საფეხურზე იმყოფებით , ხორვატიის ნაკრები საქართველოს ნაკრებზე ძლიერია , მაგრამ ფეხბურთი სწორედ ამით არის საინტერესო , რომ ძლიერი ყოველთვის ვერ იმარჯვებს , ამდენი გულშემატკივრის წინააღმდეგ თამაში ადვილი არ არის , ამ გამარჯვებაში მათაც დიდი როლი ითამაშეს"

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
მაისი 2019 (344)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
დეკემბერი 2018 (539)
რეკლამა