აირჩიეთ გუნდი:

დაჩია-ზესტაფონს სლოვენიელები მოემსახურებიან



უეფას ოფიციალურ ინტერნეტ-გვერდზე გამოქვეყნდა ინფორმაცია იმის თაობაზე, რომ უეფას ჩემპიონთა ლიგის 2011-2012 წლის გათამაშების მეორე საკვალიფიკაციო რაუნდის კიშინიოვში 20 ივლისს გასამართ ”დაჩია”-”ზესტაფონის” წყვილის განმეორებით შეხვედრას სლოვენიელ არბიტრთა ბრიგადა მოემსახურება.

მოლდოვის დედაქალაქის ”ზიმბრუს” სტადიონზე 20 ივლისს გასამართი ქართულ-მოლდავური დუელის განმეორებით მატჩს სლოვენიელი არბიტრი მატეი იუგი განსჯის.

უნდა ითქვას, რომ ამ წყვილის პირველი მატჩის ახალბედა თურქი არბიტრისაგან განსხვავებით, 30 წლის სლოვენიელ რეფერის ევროპაში მუშაობის საკმაო გამოცდილება დაუგროვდა - მთავარი არბიტრის რანგში მატეი იუგს ევროპის ჩემპიონატის შესარჩევი ეტაპის მატჩებზეც უმუშავია, უეფას ევროპის ლიგისა და ევროპის ახალგაზრდული ჩემპიონატის მატჩებზეც. ერთხელ სლოვენიელი საქართველოს ეროვნული ნაკრების შეხვედრასაც მომსახურებია - სწორედ მატეი იუგი გახლდათ 2008 წლის 20 აგვისტოს გამართული უელსი-საქართველოს მატჩის არბიტრი. მაშინ ექტორ რაულ კუპერის მიერ დამოძღვრილმა ქართველებმა მასპინძელი ბრიტანელები იმ პერიოდში ”ზესტაფონში” მოასპარეზე ბექა გოცირიძის მიერ შეხვედრის ბოლო წუთზე გატანილი გოლის წყალობით 2-1 დაამარცხეს.

წყარო: საფეხბურთო კლუბ ”ზესტაფონის” პრეს-სამსახური  
Реклама

0

1226
ჯგუფ სტუმარი-ის წევრებს არ აქვთ კომენტარის დატოვების უფლება.

ოფიციალური გვერდი

რეკლამა საიტზე

რეკლამა საიტზე

რეკლამა საიტზე

www.esport.ge -

All right reserved.