ლევან ყენია რომის ლაციოში

საქართველო 17-მაი, 12:239 Sportnews 2091 3






იტალიური ვებგვერდი www.lalaziosiamonoi.it ქართველი გულშემატკივრისთვის საინტერესო ამბავს ავრცელებს: დიდი შანსია, საქართველოს ნაკრების 21 წლის ფეხბურთელმა ლევან ყენიამ კარიერა რომის "ლაციოში" გააგრძელოს.

მოგეხსენებათ, უნიჭიერეს ქართველ ნახევარმცველს კარიერა გერმანულ "შალკე 04"-ში ტრავმების გამო არა და არ აეწყო და 2009 წლის შემოდგომიდან მოყოლებული, ეს პერიოდი გაჭიანურებულ მკურნალობაში გაუცდა.

ლევანს გელზენკირხენულ კლუბთან კონტრაქტი ამ გაზაფხულზე ამოეწურა და სხვებთან ერთად (მათ შორის რაულიც იყო), ისიც საზეიმო ვითარებაში გამოემშვიდობა კლუბსა და გულშემატკივრებს.

ყველაზე საინტერესო ახლა სწორედ ისაა, სად გააგრძელებს ქართული ფეხბურთის იმედი კარიერას. ეს უკვე ამ ზაფხულს უნდა გაირკვეს. საუბარი იყო გერმანულ და ფრანგულ კლუბებზე, თუმცა, როგორც ჩანს, არც იტალიური ვარიანტი უნდა გამოვრიცხოთ...

აი, რას წერს "ბიანკოჩელესტეს" ქომაგი საიტი:

"რომის "ლაციოს" რიგებში, გავრცელებული ხმებით, შემტევ ნახევარმცველ ლევან ყენიას გამოჩენას უნდა ველოდეთ, რომელიც საქართველოს მოქალაქეა. ლევანი, რომელიც საკმაოდ დიდი ტალანტითაა დაჯილდოვებული, ნებისმიერ პოზიციაზე შეიძლება ათამაშო, მაგრამ განსაკუთრებით მარცხენა ფლანგზეა ეფექტური.

ყენია სწრაფი და გამჭრიახია. საფეხბურთო ინტელექტის წყალობით მას შეუძლია, ტაქტიკური სვლები უმალ გაიაზროს და კარგადაც შეასრულოს. არის ქარიზმატული და ხასიათდება ლიდერის თვისებებით.

ის ჯერ კიდევ 17 წლისაც არ იყო, საქართველოს ნაკრებში რომ მიიწვიეს. მას ენდობოდა კლაუს ტოპმიოლერი და შემდეგ ჰექტორ რაულ კუპერი.

2008 წლიდან ქართველი "შალკე 04"-ის ღირსებას იცავდა. მაშინ ევროპულ პრესაში ასეთი სათაურები გამოჩნდა: "შალკემ" ხელში ქართველი ვუნდერკინდი ჩაიგდო", "ლევან ყენია - უჩვეულო მოვლენა", "ქართველი მესი" და "არშავინის უმცროსი ძმა"...

ყენიას გერმანული კარიერა ორმა სერიოზულმა ტრავმამ წაახდინა. ახალგაზრდა ფეხბურთელს მთელი 28 თვე არ უთამაშია...

შეემატება თუ არა ლევან ყენია რომის "ლაციოს", ამას დრო და გუნდის მთავარი მწვრთნელი, ედუარდო რეია გვიჩვენებს, რომლის გადაწყვეტილებაზეც დიდწილად იქნება დამოკიდებული დამდეგ სეზონში თვით ლევან ყენიას ბედიც".



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:









დაწერე კომენტარი

მსგავსი სიახლეები
კომენტარები 3

chmuki 19-მაი, 22:29

ლაციო უზლიეესია

Wertil^ 18-მაი, 21:32

იტალიაში წასულიყო მარა ლაციოში არა :X პრინციპში ქართVელს სხვა წესიერ გუნდში ვინ მიიღებს რო? :D 7

admin 17-მაი, 16:11

ერთი ამოსუნთქვით ჩავიკითხე:) აუ არ მიდნა ლაციოში რო წავიდეს რა :( ოგონდ სერია ა არა იქ ამრტო ფეხბურთელების გაფუჭბით არიან დაკავებულები.


კომენტარის დატოვება






რეკლამა

კონტაქტი

ელ-ფოსტა: admin@esport.ge

ნავიგაცია

სტატისტიკა

2010-2018