Image

თემურ ქეცბაია:"ხორვატიასთან თამაში შეიძლება"

უცხოური ფეხბურთი 21-მარ, 17:579 Sportnews 2257


















საქართველოს ნაკრების მთავარმა მწვრთნელმა თემურ ქეცბაიამ ხორვატიასთან შეხვედრის წინ პრესკონფერაცია გამართა , სადაც საჭირო თემებზე ისაუბრა.

თემურ ქეცბაია შეეხო ხორვატიასთან შეხვედრას, ასევე მალხათ ასათიანიას და მათე ვაწაძის საკითხს. ქეცბაიას განცხადებით ამ ეტაფზე საქართველოს ნაკრებისთვის ხორვატიასთან ფრეც საკმაოდ კაი შედეგი იქნება.

თემურ ქეცბაიასთან ერთად პრესკონფერაციაზე წარსდგა საქართველოს ნაკრების წევრი აკაკი ხუბუტია, რომელიც ერთადერთი ფეხბურთელი იყო , რომელიც იმ დროისთვის ბაზაზე იმყოფებოდა.


- სასიხარულოა, რომ ეროვნული ნაკრები საკუთარ ბაზას დაუბრუნდა. ამისთვის მადლობა მინდა მოვუხადო ყველა იმ ადამიანს, რომელმაც მის რეაბილიტაციაში წვლილი შეიტანა - "ქართუს", "სოკარს" და ფეხბურთის ფედერაციას. ეს ხალხი 24 საათი მუშაობდა, ნაკრებს საკუთარი კეთილმოწყობილი სახლი რომ ჰქონოდა.

თამაში მართლაც უმნიშვნელოვანესია, რადგან ჯგუფის ლიდერს ვხვდებით. ხორვატია არა მხოლოდ ჩვენი ჯგუფის, არამედ ევროპის ერთ-ერთი საუკეთესო გუნდია დ ძლიერი ფეხბურთელები ჰყავთ. თუმცა ჩვენს ნაკრებშიც საკმაოდ მაღალი კლასის მოთამაშეები არიან. რაც მთავარია, გამოძახებულები თავიანთ გუნდებში თამაშობენ.

ყველანაირად ვეცდებით, მატჩს საუკეთესო ფორმაში შევხვდეთ. დარწმუნებული ვარ, რომ წარმატების მისაღწევად და გულშემატკივართა გასახარებლად ბიჭები ყველაფერს გააკეთებენ. მიხარია, საქართველო ამ თამაშით რომ ცხოვრობს და იმედია, ერთი ნაბიჯით წინ წავიწევთ. სრული შემადგენლობით კი ხვალ შევიკრიბებით.


აკაკი ხუბუტია: ძალიან სერიოზული თამაში გველის და ყველაფერი უნდა გავაკეთოთ, საქართველო რომ ვასახელოთ. ბოლო შეხვედრებში გამოჩნდა, რომ ამის უნარი შეგვწევს. ამ ბაზის მშენებლობისთვის კი ყველას მადლობა უნდა მოვუხადო, მშვენივრად არის მოწყობილი.


- ასათიანი ნაკრებისთვის დიდი დანაკლისია. მისი სრულფასოვანი შემცვლელის მოძებნა მოხერხდება?
თემურ ქეცბაია: - გეთანხმებით, ასათიანი ჩვენთვის დიდი დანაკლისია, მაგრამ რა ვქნათ, ვინც ვერ ჩამოვა, შემცვლელი უნდა მოვუძებნოთ. არ დავმალავ, ასათიანს ველაპარაკე და ვუთხარი ჩამოსულიყო, მაგრამ პრობლემები ჰქონდა.

მთავარია, ვინც იქნება, მოსაგებად ყველაფერი გააკეთოს. არის სხვა პრობლემებიც, მაგრამ ყველაფერი ბიჭების ჩამოსვლის შემდეგ გაირკვევა. ძნელი თამაში იქნება, მაგრამ არანაკლებ თამაშებსა და სირთულებს გავართვით თავი.

- ჯანო ანანიძე ტრავმის გამო ვერ ითამაშებს?
- ველაპარაკე და მითხრა, რომ ფეხი სტკივა. მე ექიმი არ ვარ და ვერ ვიტყვი, ზუსტად რა სჭირს.

- როგორც გვითხრეს, ჯანომ "აიაქსთან" მატჩის წინა დღეს ივარჯიშა, რაც კოჭის მყესის გაწყვეტისას წარმოუდგენელია. იქნებ, მოსკოვის "სპარტაკი" არ უშვებს?
- არ ვიცი, ჩვენ მხოლოდ ის გვითხრეს, რომ "სპარტაკში" დაასვენეს.

- ანანიძე თუ მართლაც ვერ დაგვეხმარა, მას ვინ ჩაანაცვლებს? საერთოდ, ორი რთული მატჩი გველის და სარეზერვო ფეხბურთელები თუ შეიგულეთ?
- გელაშვილი დაგვემატება და ეს იქნება ცვლილება.

- ვაწაძე რა პრობლემის გამო ვერ ჩამოდის?
- ეს გუნდის არასწორი მიდგომის ბრალია. მათეს ვერ გავამტყუნებთ, რადგან თამაში უნდოდა, მაგრამ წარმოიქმნა პრობლემა: რუსეთიდან გასული, შესაძლოა, უკან აღარ შეუშვან ახალი ვიზის აღებამდე. ასე ვაწაძის ჩამოსვლას რა აზრი ექნება, თუ საკონსულოში დრო დაკარგა და გუნდში ვერ ითამაშა? ეს პრობლემა გუნდს დროულად უნდა მოეგვარებინა, რას ქვია, ფეხბურთელს გუნდთან კონტრაქტი აქვს და ქვეყანაში ვერ შედის? ჩვენ არ გვინდა მათეს ხელი შევუშალოთ, მაგას თავის გამოჩენის შანსი კიდევ მიეცემა.

- ხორვატიასთან ქულა კარგი შედეგი იქნება?
- კარგი შედეგი მოგება იქნება, მაგრამ ქულაც არ იქნება ცუდი. მთავარია, სტადიონი შეივსოს. აღარც მახსოვს, ეროვნულ სტადიონზე ეს ბოლოს როდის მოხდა.

- მეტოქეს როგორ დაახასიათებდით?
- ინფორმაციებს ვფლობთ, თამაშებიც გვინახავს, ყველა რგოლში ისეთი ფეხბურთელებითაა დაკომპლექტებული, რომლებიც ძლიერ გუნდებში თამაშობენ. ნაკრებია, მაგრამ იმასაც ვერ ვიტყვი, რომ თამაში არ შეიძლება. ჩვენზე ფსიქოლოგიურად კარგად იმოქმედებს გულშემატკივარი თანადგომა და მატჩისთვის საკუთარ ბაზაზე, საკუთარ სახლში მომზადება. იმედია, წარმატებას მივაღწევთ.

- გვაზავასა და გრიგალავას გამოძახებაზე რას ფიქრობთ?
- უცხოეთში ათასობით ქართველი თამაშობს. შევეცდები, ნაკრებში თავის გამოჩენის შანსი მივცეთ ჩვენთვის საინტერესო ყველა იმ ფეხბურთელს, ვისაც ნაკრებში თამაში სურს. თუმცა ჯერ საამისოდ საკუთარ კლუბებში უნდა გამოიჩინონ თავი.

- ხორვატიის ნაკრების ფეხბურთელები ევროპულ კლუბებში თამაშობენ, სადაც სეზონი დიდი ხანია დაწყებულია. ჩვენი ბევრი ფეხბურთელი კი რუსეთ-უკრაინიდან მოდიან, სადაც სეზონი ახლა დაიწყო. ეს თქვენ გარკვეულ დისკომფორტს არ გიქმნით?
- გეთანხმებით, მაგრამ ჩვენი ფეხბურთელების უმრავლესობაც თავიანთი გუნდების ძირითად შემადგენლობაში თამაშობს, ერთი შეხვედრის მაღალ დონეზე ჩატარება კი ყველას შეუძლია. მთავარი მატჩისთვის ფსიქოლოგიურად კარგი მომზადებაა.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
FC Bayern München 22 მარტი 2011 00:01
ვაა მე მეგონა ხორვატიასთან თამაში არ შეიძლებოდა...აი კალაძე და ანანიძე რო ყოფილიყვნენ ხო უეჭველი მოვეგებდით რა
Rimati 21 მარტი 2011 23:10
ანანიძე ვერ ითამაშებს სამწუხაროდ და კალაძის თამაშიც საეჭვოა :(
admin 21 მარტი 2011 22:42
კარგია უკვე რომდ აიწყეთ ამ თემაზე წერა

ტემო ეხლა გვასიამოვნე და ერი არ დაგივიწყებს ამ ამაგს!
შემოგვიერთდით
რეკლამა
არქივი
ივნისი 2019 (176)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა