უცხოური ფეხბურთი
მოურინიო: "ხაზგასმით ვერაფერს ვიტყვით"

მადრიდის "რეალის" მთავარმა მწვრთნელმა ჟოზე მოურინიომ განაცხადა, რომ სასწაული არ იქნება, თუ მისი გუნდი ცსკა-სთან ჩემპიონთა ლიგის საპასუხო მერვედფინალურ მატჩში დამარცხდა.
"ფეხბურთში სასწაული არ არსებობს. არსებობს მოულოდნელობები. თუ ცსკა კარგად ითამაშებს, "რეალი" კი ცუდად, ასეთი მოულოდნელობა მოხდება”, - თქვა მოურინიომ მატჩისწინა პრესკონფერენციაზე.
"რეალის" თავკაცმა დასძინა, რომ მოვლენებს უფრო ოპტიმისტურად უყურებს და სჯერა, რომ მისი გუნდი გაიმარჯვებს.
"ჩვენ არავის ვუფრთხით, გუნდი კარგადაა მომზადებული", - თქვა პორტუგალიელმა სპეციალისტმა.
კითხვაზე, დატოვებს თუ არა "რეალის" მთავარი მწვრთნელის თანამდებობას ცსკა-სთან მარცხის შემთხვევაში, მოურინიომ უპასუხა, რომ მადრიდის "რეალის" მომავალი არც მხოლოდ მოსკოვურ გუნდთან შეხვედრაზეა დამოკიდებული და არც მთლიანად ჩემპიონთა ლიგაში გამოსვლაზე.












კომენტარის დამატება