უცხოური ფეხბურთი
"ბაიერნი" vs "ბაზელი" (პრევიუ)

ტურნირი: ჩემპიონთა ლიგის 1/8 ფინალური ეტაპი
დასაწყისი: 23:45
სტადიონი: "ალიანს არენა"
მსაჯი: კლატენბურგი



13 მარტს, ჩემპიონთა ლიგის 1/8 ფინალის ფარგლებში, ბაიერნი, საკუთარ მოედანზე, ბაზელს უმასპინძლებს. იმის გათვალისწინებით, რომ ჩემპიონთა ლიგაში, საკუთარ მოედანზე გამართული 12 მატჩიდან ბაიერნმა 11-ში გაიმარჯვა, ბაზელს საკუთარ მოედანზე მოპოვებული უპირატესობის შესანარჩუნებლად ყველა ძალ-ღონის გამოყენება მოუწევს

ფაქტები
• “ბაიერნმა” ევროტურნირების პლეი ოფის პირველი მატჩი სტუმრად 0:1 5-ჯერ წააგო. მიუნხენელები შემდეგ ეტაპზე 4-ჯერ გავიდნენ;
• ევროტურნირების პლეი ოფის პირველი თამაში “ბაზელმა” საკუთარ კედლებში 1:0 4-ჯერ მოიგო. შვეიცარიელები შემდეგ ეტაპზე 3-ჯერ გავიდნენ;
• “ბაიერნმა” ჩემპიონთა ლიგის ბოლო 12 საშინაო თამაშიდან 11 მოიგო;
• მიმდინარე გათამაშებაში, “ბაზელს” გასვლაზე წაგება არ აქვს. ჩემპიონთა ლიგაზე, სტუმრად ჩატარებულ მატჩში, შვეიცარიელები უკანასკნელად “ბაიერნთან” დამარცხდნენ;
• ყველა ტურნირის გათვალისწინებით, “ბაიერნმა” ბოლო 17 საშინაო თამაშიდან 16 მოიგო;
• “ბაიერნმა” ჩემპიონთა ლიგის ბოლო 2 თამაში მშრალად წააგო;
• ყველა ტურნირზე, “ბაზელს” 17-მატჩიანი წაუგებელი სერია აქვს. გასვლაზე, შვეიცარიელებს უკვე 14 თამაშია არ წაუგიათ;
• “ბაიერნი” განსაკუთრებით სახიფათო პირველ ტაიმშია. 11 გოლიდან 9 მიუნხენელებმა შესვენებამდე გაიტანეს;
• მიუნხენელები “ბაზელს” შეხვედრის ბოლო 15 წუთში უნდა უფრთხოდნენ. “ბაზელს” სულ 12 გოლი აქვს გატანილი, აქედან ოთხი 76-დან 90-ე წუთამდე;
• “ბაზელმა” ჩემპიონთა ლიგის ბოლო 3 თამაში მოიგო












კომენტარის დამატება