უცხოური ფეხბურთი
მილანმა რომა დაამარცხა

იტალიის სერია A-ს 29-ე ტურში მოქმედმა ჩემპიონმა და ლიდერმა "მილანმა" საკუთარ მოედანზე "რომას" უმასპინძლა და იბრაგიმოვიჩის დუბლის წყალობით 2-1 დაამარცხა.

მილანურმა გუნდმა ამ გამარჯვებით ჩემპიონობისკენ დიდი ნაბიჯი გადადგა, ახლა "მილანი" "იუვებტუსს" უკვე 7 ქულით უსწრებს, მაგრამ ტურინელებს ერთი შეხვედრით ნაკლები აქვთ ჩატარებული. "იუვენტუსი" დღეს "ინტერს" დაუპირისპირდება.

ახლა კი "მილანი"-"რომას" შეხვედრას დავუბრუნდეთ, შეხვედრაში ანგარიში სტუმრებმა გახსნეს, გოლი 44-ე წუთზე ოსვალდომ გაიტანა, ამის შემდეგ კი იბრაგიმოვიჩის ჯერი დადგა, რომელმაც 53-ე წუთზე თერთმეტმეტრიანით ჯერ ანგარიში გაათანაბრა, შემდეგ კი 83-ე წუთზე გამარჯვების გოლი გაიტანა. ზლატანს ჩემპიონატში უკვე 22 გოლი დაუგროვდა და მეორე ადგილოსან დი ნატალეს 3 გოლით გაასწრო.



სერია A-ს ცხრილი








კომენტარის დამატება