უცხოური ფეხბურთი
შალკეს ჰუნტელარი სასტუმროში დარჩა

”შალკეს” ჰოლანდიელ თავდამსხმელს კლას-იან ჰუნტელაარს ”აუსბურგთან” გასვლითი მატჩის შემდეგ კინაღამ ფეხით მოუხდა შინ დაბრუნება.

გერმანული პრესის ცნობით, გელზენკირხენელები ავტობუსით ისე გაემგზავრნენ აეროპორტში, რომ თანაგუნდელი არ გახსენებიათ. როდესაც ჰუნტელარი მიხვდა, რომ თანაკლუბელები უმისოდ წავიდნენ, რამდენჯერმე სცადა ”შალკეს” მენეჯერს ჰორს ჰელდტს ტელეფონით დაკავშირებოდა, მაგრამ ყველა მცდელობა უშედეგო გამოდგა.

ჰოლანდიელმა თავდამსხმელმა დახმარებისთვის პოლიციას მიმართა. ყველაფერი იმით დასრულდა, რომ ჰუნტელარი აეროპორტში პოლიციის მანქანით მიიყვანეს.

ბუნდესლიგის 32-ე ტურის მატჩი ”აუსბურგსა” და ”შალკეს” შორის 1:1 დასრულდა. 38-ე წუთზე გელზენკირხენელები სწორედ ჰოლანდიელის გოლმა იხსნა წაგებისგან.












კომენტარის დამატება