Image

გვარდიოლა ბარსას დატოვებს

უცხოური ფეხბურთი 27-აპრ, 23:019 Sportnews 1794


2012 წლის 27 აპრილს ”ბარსელონას” არაერთი გულშემატკივრი გულისტკივილით გაიხსენებს. სწორედ ამ დღეს კატალონიელთა მთავარმა მწვრთნელმა ხოსეპ გვარდიოლამ, ვის სახელთანაცაა დაკავშირებული ბოლო ოთხი წლის განმავლობაში კლუბის წარმატებები, სეზონის დასრულებისთანავე გუნდიდან წასვლაზე განაცხადა.

გვარდიოლამ საკუთარი გადაწყვეტილება ფეხბურთელებს პარასკევის დილის ვარჯიშისას ამცნო. ერთი დღით ადრე მწვრთნელისა და ”ბარსელონას” პრეზიდენტის სანდრო როსელის შეხვედრა შედგა, რომელიც დაახლოებით სამ საათს გაგრძელდა. კლუბის ხელმძღვანელობამ სეზონის მსვლელობისას არაერთხელ განაცხადა, რომ შედეგების მიუხედავად 41 წლის მწვრთნელთან ხელშეკრულების გაგრძელებას შეეცდებოდა. ამასთან როსელმა მწვრთნელს შესთავაზა თავად განესაზღვრა საკუთარი ხელფასის ოდენობაც, მაგრამ ამ საქმიდან არაფერი გამოვიდა. გვარდიოლას მტკიცედ აქვს გადაწყვეტილი კლუბიდან წასვლა.

”ყოველთვის მოკლევადიან ხელშეკრულებებს ვაფორმებდი, რამდენადაც ”ბარსას” მოთხოვნები ყოველთვის მაღალი იყო, - პრესკონფერენციაზე აცხადებდა გვარდიოლა. - ჩვენ ორი უმნიშვნელოვანესი ტიტულისთვის ბრძოლას გამოვეთიშეთ. ასე რომ, ახლა საუკეთესო დროა კლუბიდან წასვლაზე განვაცხადო. მიზეზი მარტივია - ოთხი წლის განმავლობაში ”ბარსას” მთავარ მწვრთნელად ყოფნა მთელი მარადისობაა.

ამ ხნის განმავლობაში ძალიან დავიღალე. ახალი მწვრთნელი გუნდს მისცემს იმას, რისი მიცემაც მე აღარ შემიძლია. დარწმუნებული ვარ სწორად ვიქცევი. დრო მჭირდება, რათა ის მისწრაფება, ჟინი დამიბრუნდეს, რაც კლუბში მოსვლისას მქონდა”.

თავის მხრივ, კლუბის პრეზიდენტმა სანდრო როსელმა მწვრთნელს გაწეული სამუშაოსთვის მადლობა გადაუხადა და განაცხადა, რომ გვარდიოლას წასვლის შემდეგ, “ბარსელონას” ტიტო ვილანოვა ჩაუდგება სათავეში.


მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
free 29 აპრილი 2012 19:47
მაგარი მწვრთნელია, თუმცა კარგია ბარსელონას რომ ტოვებს, გუნდს ახალი სისხლი და თანამედროვე ხედვა სჭირდება!!!
Mr.Black And White 28 აპრილი 2012 00:11
სჭირდება რა ამ კაცს დასვენება მართლა.... 1 წლის მერე, რომ დაბრუნდეს კარგი იქნება...

რაულიტო ხელმოწერა გაასწორე
Sportnews 27 აპრილი 2012 23:11
არ ველოდი ბარსას თუ დატოვებდა გვარდიოლა
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი
შემოგვიერთდით
რეკლამა
არქივი
დეკემბერი 2018 (224)
ნოემბერი 2018 (414)
ოქტომბერი 2018 (438)
სექტემბერი 2018 (573)
აგვისტო 2018 (535)
ივლისი 2018 (357)
რეკლამა