პოგბა: “ვიეირაზე უკეთესი მინდა ვიყო”

“იუვენტუსის” ახალწვეული გამოტყდა, რომ თავისი თანამემამულის მიღწევების გამეორება სურს. 19 წლის ნახევარმცველმა გუშინ მოაწერა “ბებერ ქალბატონთან” 4-წლიან კონტრაქტს ხელი.

პოგბა: ”ხშირად მადარებენ პატრიკ ვიეირას, მახარებს ასეთი კომპლიმენტი, მაგრამ ჯერ ძალიან ახალგაზრდა ვარ და შემიძლია, რომ ჩემს თანამემამულეს ვაჯობო. მინდა, მისგან საუკეთესო თვისებები გადმოვიღო. დაიმახსოვრეთ, მე არ ვარ ახალი ვიეირა- მე პოგბა ვარ”, -განუცხადა ფეხბურთელმა “ბიანკონერის” ოფიციალუირ საიტს.

“იუვენტუსში” ძალიან ბევრი კარგი ფეხბურთელი თამაშობდა და იმედი მაქვს, ერთ-ერთი მათგანი მეც გავხდები. ყველაფერს გავაკეთებ ტიტულების მოსაპოვებლად”.