ატლანტამ შარლოტი გაანადგურა და მაიამის გაუთანაბრდა

კალათბურთი / NBA 14-დეკ, 16:019 Dark Dante 1150 0





„ატლანტა ჰოუქსმა“ დაგეგმილი გამარჯვება მოიპოვა. ზაზა ფაჩულიას გუნდმა შინაურ არენაზე „შარლოტი“ მიიღო და 23 ქულის სხვაობით - 113:90 გაანადგურა. ატლანტელებმა ბოლო 13 შეხვედრიდან 11 მოიგეს, რაც ნებისმიერი გუნდისთვის შესაშური შედეგია.


ამ გამარჯვებით ატლანტელები მოქმედ ჩემპიონ „მაიმის“ დაეწივნენ და ფლორიდელებთან ერთად აღმოსავლეთ კონფერენციაში II-III ადგილებს იყოფენ. ორივე მათგანს 14 მოგება და 6 მარცხი გააჩნიათ.



რაც შეეხება დღევანდელ მატჩს, ფაჩულიამ იგი უქულოდ დატოვა. ქართველმა ცენტრმა 17 წუთი ითამაშა და შარლოტელთა ფარისთვის არც შეუტევია. ზაზამ 7 მოხსნა გააკეთა და სხვა სტატისტიკური მონაგარი არ ჰქონია. საუკეთესონი კი ატლანტელთა სხვა სათადარიგოები გახდნენ: ლუი უილიამსი 13 ქულა, 9 პასი და დევინ ჰარისი - 20 ქულა.



მომდევნო შეხვედრას „ატლანტა“ კვლავ შინ, 15 დეკემბერს, „გოლდენ სტეიტთან“ გამართავს.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:








მსგავსი სიახლეები
კომენტარის დატოვება






რეკლამა