Image

თორნიკე შენგელიას 17-ქულიანი განაცხადი NBA-ში დარჩენაზე

NBA 12-ივლ, 13:059 Sportnews 1805


თორნიკე შენგელია ორლანდოს საზაფხულო ლიგაზე თამაშს დღითიდღე აუმჯობესებს. მას პირველ მატჩში 2 ქულა ჰქონდა, მეორეში - 8, მესამეში პირველივე პერიოდში გადააჭარბა წინა დღის მაჩვენებელს - 9 ქულა ჩააგდო.

მესამე შეხვედრაში მწვრთნელმა თოკო სასტარტო ხეთეულში დააყენა და არც შემცდარა - საწყის წუთებზე 10-ქულიანი უპირატესობის მოპოვება უმთავრესად ქართველის დამსახურება იყო. მას ბურთი არ აუცილებია - 2 ორქულიანი, 1 სამიანი და 4 საჯარიმო ჩააგდო და 16:6.

როგორც მოგახსენეთ, შენგელიამ პირველი მეოთხედი 9 ქულით დაასრულა. მეორე პერიოდში მხოლოდ ბოლო ერთი წუთი ითამაშა, მესამეში კი საკმარისი დრო ერგო და მონაგარი 6 ქულით გაიმდიდრა - ორი ჯარიმიანი ორქულიანი ჩააგდო.

მწვრთნელმა თორნიკეს შრომა დაუფასა და მეოთხე პერიოდშიც შეიყვანა. საბოლოოდ "ფილადელფიამ" სამქულიანებით ძალიან გააწვალა "ბრუკლინი" და გაიმარჯვა კიდეც - 79:71.

თორნიკე შენგელიას ყველაზე მეტი სათამაშო დრო მესამე შეხვედრაში ერგო და თავისუფლადაც ითამაშა. მისი მონაგარი ასეთი იყო: 27 წუთი, 17 ქულა (9-დან 5 ორქულიანი, 4-დან 1 სამიანი, 6-დან 6 საჯარიმო), 6 მოხსნა, 2 პასი, 4 ფოლი, 4 შეცდომა.

"ბრუკლინის" მაისურით 11 წუთი ითამაშა საქართველოს ნაკრების ყოფილმა გამთამაშებელმა ტორინ გრინმა (თითო მოხსნა-პასი, ჩაჭრა). "ფილადელფიას" მწვრთნელმა კი "არმიას" უკანახაზელი ჯერემი რიჩარდსონი მოედანზე არ შეიყვანა.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Wertil^ 17 ივლისი 2012 15:51
iventusi,
ბიჭო რატო წერ ეგრე უაზროთ კომენტარებს? ჯილდოები გინდა? მაინც წაგიშლიან ეგეთ კომენტარებს და აზრი?
შემოგვიერთდით
რეკლამა
არქივი
იანვარი 2019 (360)
დეკემბერი 2018 (540)
ნოემბერი 2018 (413)
ოქტომბერი 2018 (437)
სექტემბერი 2018 (574)
აგვისტო 2018 (535)
რეკლამა