ქართული კალათბურთი
"ბევრ უსამართლობას ვხედავ"- თორნიკე შენგელია სპეციალურ მიმართვას ავრცელებს

საქართველოს კალათბურთის ნაკრებისა და "ბასკონიას" წევრი თორნიკე შენგელია საკუთარ ფეისბუქის გვერდზე სპეციალურ განცხადებას ავრცელებს, რომელიც მომავალ კალათბურთის ფედერაციის საპრეზიდენტო არჩევნებს ეხება.

“მოგესალმებით,
დიდი იმედი მქონდა რომ არ მომიწევდა ამ თემაში ჩარევა მაგრამ ჩემი დიდი სიყვარულის კალათბურთის მიმართ და წლების მანძილზე დანახული ბევრი უსამართლობის გამო, თავს უფლება მივეცი გამეკეთებინა ეს განცხადება!

როგორც მოგეხსენებათ, სულ მალე ჩატარდება საქართველოს კალათბურთის ფედერაციის საპრეზიდენტო არჩევნები.

იმის შემდეგ რაც კახა შენგელია და შიო ხეცურიანი გაერთიანდნენ, დღეს დღეობით არის წარდგენილი 2 კანდიდატი…

მიუხედავად ჩემი დიდი პატივისცემისა ყველას მიმართ, მინდა ღია მხარდაჭერა გამოვუცხადო შიო ხეცურიანს. ვთვლი რომ იგი დღეს არის ღირსეული კანდიდატი იმისათვის რომ აღორძინდეს კალათბურთი საქართველოში.

დიდი იმედი მაქვს რომ, ყველა ერთად დავდგებით და მხარს დავუჭერთ სიმართლეს, რადგან ეს ჩვენ საერთო საქმეს, კალათბურთს ეხება!”


შეგახსენებთ, რომ საქართველოს კალათბურთის ფედერაციის საპრეზიდენტო არჩევნები 11 დეკემბერს გაიმართება. პრეზიდენტობისათვის ორი კანდიდატი – პაატა გურასპაული და შიო ხეცურიანი იბრძოლებენ.











კომენტარის დამატება