Image

თორნიკე შენგელიას 18 ქულა და 13 მოხსნა ბელგიის ჩემპიონატში

ქართული კალათბურთი / უცხოური კალათბურთი 21-მარ, 18:159 Sportnews 1699


საქართველოს ეროვნული ნაკრების კალათბურთელმა თორნიკე შენგელიამ ბელგიის საკალათბურთო ჩემპიონატში გამორჩეული მატჩი ჩაატარა. შენგელიას „პეპინსტერმა" "ოსტენდესთან" გასვლით შეხვედრაში 60:77 წააგო, ქართველმა ფორვარდმა კი 36 წუთი ითამაშა და 18 ქულა და 13 მოხსნა მოაგროვა.

"პეპინსტერის" მთავარმა მწვრთნელმა აარონ მაკარტიმ 19 წლის ქართველი კალათბურთელი სასტარტო ხუთეულში დააყენა და სარეკორდოდ დიდხანს - 36 წუთს ათამაშა.

თორნიკემ 11-დან 8 ორქულიანი და 2-ვე საჯარიმო ჩააგდო და მართალია, 3-ვე სამქულიანი ააცილა, 18 ქულით სტუმართა რიგებში საუკეთესო გახლდათ. შენგელიამ 13-დან 3 მოხსნა მეტოქის ფარზე მიითვალა, რასაც თითო-პასი და დაფარებაც წაამატა, ბურთი კი ორჯერ დაკარგა.

შენგელიას წინააღმდეგ ოსტენდელები 3-ჯერ დაჯარიმდნენ, თავად კი მოედანი 5 პერსონალური ფოლის გამო დატოვა. "პეპინსტერს" 7 მოგების წილ მე-14 მარცხი მოუგროვდა და 9-გუნდიან ლიგაში მე-7 ადგილი უკავია. შენგელიას კლუბი მომდევნო მატჩს 26 მარტს, ერთ-ერთ ლიდერ "აალსტართან" გამართავს.


მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
დეკემბერი 2018 (204)
ნოემბერი 2018 (414)
ოქტომბერი 2018 (438)
სექტემბერი 2018 (573)
აგვისტო 2018 (535)
ივლისი 2018 (357)
რეკლამა