"შარლერუა" შიდაჩემპიონატში დამარცხდა

13-12-2011, 20:22

ევროლიგაში გამარჯვების შემდეგ თორნიკე შენგელიას „შარლერუამ“ ბელგიის ჩემპიონატში წააგო. შარლერუელები სტუმრად ანტვერპერნის „ჯაიანთსს“ შეხვდნენ და შეხვედრა უშანსოდ – 58:80 დამარცხდნენ.

ქართველმა ფორვარდმა სასტარტო ხუთეულში ითამაშა და მოედანზე გატარებულ 21 წუთში 5 ქულა და 3 პასი მიითვალა. შენგელიამ 5 ცდიდან მხოლოდ 1 ორქულიანი და 7–დან 3 საჯარიმო ჩააგდო, 1 სამიანი კი ააცილა. „შარლერუაში“ ყველაზე მეტი – 16 ქულა – ამერიკელმა კრის ჰილმა მოაგროვა.

მიუხედავად მარცხისა, „შარლერუა“ ბელგიის ჩემპიონატს ერთპიროვნულად ლიდერობს. მომდევნო შეხვედრად შენგელიას გუნდი 17 დეკემბერს შინ „“მონსთან“ გამართავს.

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით