Image

ქართველების კანტუ ბარსელობას კატალონიაში გაუძალიანდა

ქართული კალათბურთი 20-იან, 10:179 Sportnews 1204


მარცხით დაიწყო ევროლიგის მეორე ჯგუფური ეტაპი მანუჩარ მარკოიშვილისა და გიორგი შერმადინის „კანტუმ“, თუმცა ევროპის ერთ–ერთ გრანდთან სტუმრად 5 ქულით წაგებისთვის „ქართველების“ გუნდს არავინ დაძრახავს. პირიქით, კანტუელებმა კატალონიურ „ბარსელონას“ დიდი წინააღმდეგობა გაუწიეს, ბოლო წუთებამდე მოგების შანსსაც ინარჩუნებდნენ, მაგრამ საბოლოოდ 60:65 დამარცხდნენ.

ქართველებს ურიგოდ არ უთამაშიათ იმ დროში, რაც მათთვის იყო გამოყოფილი. ეს უფრო მარკოიშვილზე ითქმის, რომელიც მწვრთნელმა მხოლოდ 10,47 წუთით დატვირთა. მანუჩარმა 4–დან 2 ორქულიანი მიითვალა, რასაც 3 მოხსნა და 1 ჩაჭრაც მოაყოლა.

შედარებით შედეგიანი იყო შერმადინი, რომელმაც მარკოიშვილზე ორჯერ მეტი დრო დაჰყო მოედანზე. 21 წუთში გიორგიმ 9 ქულა, 4 მოხსნა და თითო პასი, ჩაჭრა და დაფარება მოაგროვა. შერმადინმა 9 ორქულიანიდან 3 ჩააგდო, საჯარიმოს ხაზიდან კი სამივე ზუსტად ტყორცნა.

H ჯგუფის მეორე მატჩში „მაკაბიმ“ 84:76 დაამარცხა „ჟალგირისი“. მომდევნო ტურში, 25 იანვარს, „კანტუ“ სწორედ „ჟალგირისს“ უმასპინძლებს.


მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
დეკემბერი 2018 (145)
ნოემბერი 2018 (414)
ოქტომბერი 2018 (438)
სექტემბერი 2018 (573)
აგვისტო 2018 (535)
ივლისი 2018 (357)
რეკლამა
[aviable=main] [/aviable]