ფაჩულია ხუთეულს სეზონის პირადსარეკორდო 13 ქულით დაუბრუნდა

ქართული კალათბურთი / NBA 22-იან, 17:359 Sportnews 2017 0






ზაზა ფაჩულია სასტარტო ხუთეულს დაუბრუნდა. ეს „კლივლენდთან“ მატჩში, დღეს გამთენიისას მოხდა. ატლანტელებმა მეტოქე 121:94 გაანადგურეს, რაშიც თავისი წვლილი ქართველმა ცენტრმაც შეიტანა, რომელმაც მიმდინარე სეზონში პირად აქტივში ყველაზე მეტი ქულა ჩაიწერა.

ფაჩულიამ მოედანზე 29 წუთი გაატარა, როცა მისი კონკურენტი ჯეისონ კოლინსი მხოლოდ 8 წუთით დაიტვირთა. ფაჩულიამ თამაშიდან განხორციელებული 7 ტყორცნიდან 6 ჩააგდო, რასაც 1 საჯარიმო მოაყოლა და 13 ქულა დაუგროვდა. ზაზამ ასევე 6 მოხსნა, 4 პასი და 2 ჩაჭრაც მიითვალა.

ატლანტელთა ბომბარდირი ჯო ჯონსონი გახდა, რომელმაც პირად აქტივში 25 ქულა ჩაიწერა.ჯეფ ტიგსა და ჯანერო პარგოს 14–14 ქულა ჰქონდათ და სწორედ ამათ შემდეგ მოდის ფაჩულია.

„ატლანტას“ 12 გამარჯვების წილ 5 მარცხი აქვს და აღმოსავლეთ კონფერენციაში მე–6 ადგილზე იმყოფება. ხოლო საკუთარ, სამხრეთ–აღმოსავლეთ დივიზიონში „ორლანდოსა“ და „მაიამის“ შემდეგ მესამე ადგილზეა. მომდევნო მატჩს „ქორები“ 24 იანვარს მილუოკიში „ბაქსთან“ გამართავენ.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:









დაწერე კომენტარი

მსგავსი სიახლეები
კომენტარის დატოვება






რეკლამა

კონტაქტი

ელ-ფოსტა: admin@esport.ge

ნავიგაცია

სტატისტიკა

2010-2018