Image

ფაჩულიას შვიდიანები მილუოკიში

ქართული კალათბურთი / NBA 28-მარ, 20:509 Sportnews 1560


ზედიზედ მოპოვებული 4 გამარჯვების შემდეგ „ატლანტა ჰოუქსმა“ წააგო. ჯორჯიული კლუბის შედეგიანი სერიის წამხდენი „მილუოკი ბაქსი“ აღმოჩნდა, რომელმაც საკუთარ მოედანზე დაძაბულ ბრძოლაში - 108:101 იმარჯვა.

გადამწყვეტი მეოთხედის წინ ატლანტელები 1 ქულით იგებდნენ, თუმცა ბოლო პერიოდი 22:30 დათმეს და საბოლოოდ დამარცხდნენ კიდეც. შეიძლება ითვას, რომ ატლანტელებს ძალა აღარ ეყოთ. სამ დღეში ზედიზედ ჩატარებული სამი მატჩის შემდეგ „ქორებმა“ ერთი დღე დაისვენეს და მილუოკიში „ბაქსთან“ სათამაშოდ ჩაფრინდნენ. 3 პერიოდი ყოჩაღადაც იომეს, მაგრამ...

ქართველმა ცენტრმა ნორმალურად ითამაშა. ფაჩულია ტრადიციულად სასტარტო ხუთეულში იყო და მოედანი 7 ქულით, 7 მოხსნით, 1 პასით და 1 ჩაჭრით დატოვა. ზაზამ მოედანზე მთლიანობაში 32:22 წუთი გაატარა და 5-დან სამ ორქულიანთან ერთად ორში ერთი საჯარიმოც ჩააგდო.

კარგად გაისარჯა ფაჩულიას მარქაფი ივან ჯონსონი, რომელმაც თამაშიდან ნასროლი შვიდივე სროლა ჩააგდო და შეხვედრა კარიერის საუკეთესო შედეგით - 17 ქულით დაასრულა. შესანიშნავად ითამაშა ჯოშ სმიტმა, რომელმაც ატლანტელებს 30 ქულასთან ერთად 18 მოხსნა, 5 პასი და 2 ჩაჭრა მოუტანა, თუმცა მას სათანადოდ მხარი ვერ აუბა ჯო ჯონსონმა, რომლის უნიათო გარჯის ბრალი იყო, ატლანტელებმა რომ ვერ იმარჯვეს.

30 მოგება და 21 მარცხი - ატლანტელთა ეს შედეგი აღმოსავლეთ კონფერენციაში მე-6 ადგილის ტოლფასია. ჩაუქობს „ინდიანა“, რომელიც მე-5 ადგილს ხან უთმობს და ხანაც ართმევს ატლანტელებს. „ქორებს“ არც ამჯერად აქვთ შესვენება. ხვალ ისინი უკვე შინ „ჩიკაგოს“ უმასპინძლებენ.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
თებერვალი 2019 (315)
იანვარი 2019 (672)
დეკემბერი 2018 (541)
ნოემბერი 2018 (413)
ოქტომბერი 2018 (437)
სექტემბერი 2018 (574)
რეკლამა