ნოვიცკი რეალს შეუთანხმდა

ევროპული პრესის ინფორმაციით, გერმანიის ნაკრებისა და "დალასის მავერიქსის" ლიდერმა დირკ ნოვიცკიმ, შესაძლოა, ესპანეთში გააგრძელოს კარიერა.

33 წლის ფორვარდმა მოკლევადიანი კონტრაქტის დეტალები შეათანხმა მადრიდის "რეალთან" და უკვე დღეს შეიძლება გახდეს ესპანური კლუბის მოთამაშე.

შეგახსენებთ, რომ "დალასში" დირკის პარტნიორმა, ესპანელმა რუდი ფერნანდესმა უკვე მოაწერა ხელი "სამეფო კლუბთან" კონტრაქტს.