"რომას" ხელმძღვანელობამ პარასკევს "კატანასთან" 2:4 წაგებული მატჩის შემდეგ გუნდის მთავარი მწვრთნელი ზდენეკ ზემანი დაითხოვა.

"ძალიან ვწუხვარ, რომ ყველაფერი ასე ცუდად დასრულდა, მე ყველანაირად ვეცადე, რომ გუნდისთვის წარმატება მომეპოვებინა, თუმცა არ გამიმართლა." - განაცხადა 65 - წლის ჩეხმა სპეციალისტმა ზდენეკ ზემანმა.

იტალიურ პრესაში ზემანის შემცვლელ მთავარ კანდიდატებად ლორან ბლანს და "ჩეზენას" ყოფილ მწვრთნელ მარკო ჯამპაოლოს მიიჩნევენ. დროებითი მთავარი მწვრთნელის პოსტს კი 59 - წლის აურელიო ანდრეაცოლი დაიკავებს.

შეგახსენებთ, რომ ზემანმა იტალიურ კლუბში მხოლოდ რვა თვე იმუშავა. მას "რომა" 1997-1999 წლების სეზენშიც ყავდა ჩაბარებული.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს: