Image

იღბლიანი დებიუტანტები

სიახლეები / ფეხბურთი / უცხოური ფეხბურთი 22-ნოე, 11:319 FCB 1400


















გასულ კვირაში, სლოვენიასთან ქართველი “ჯვაროსნების” მიერ მოგებული (2:1) ამხანაგური მატჩი, იმითაც იყო გამორჩეული, რომ სანდრო გურულმა ორმაგი დებიუტი მიითვალა. ლვოვის “კარპატის” შემტევი ნახევარმცველისთვის, ეს საქართველოს ეროვნულ ნაკრებში ჩატარებული პირველი შეხვედრა იყო და ბუნებრივია, მისთვის, იასმინ ჰანდანოვიჩის კარში 67-ე წუთზე გატანილი გოლიც სადებიუტო იქნებოდა.
უკვე ითქვა, რომ პირველი ქართველი ფეხბურთელი, რომელმაც სადებიუტო მატჩი გოლით აღნიშნა, სანდროს მამა გია გურული გახლდათ. ეს მოხდა 1990 წლის 27 მაისს, როცა “ჯვაროსნები” თბილისში, პირველ საერთაშორისო შეხვედრაში ლიტვის ეროვნულ ნაკრებს დაუპირისპირდნენ (2:2). გურულის გარდა, იმ მატჩში გატანილი გოლი კახა კაჭარავასთვისაც სადებიუტო იყო.
მათ გარდა, შემდგომ წლებში დებიუტი გოლით კიდევ ექვსმა ქართველმა იზეიმა. ერთბაშად სამმა ფეხბურთელმა შეძლო ეს, 1991 წლის ორ ივლისს. ამ დღეს ეროვნული ნაკრები კიშინიოვს ეწვია და მოლდოველებს 4:2 მოუგო. ამ მატჩში პირველი გოლი “ჯვაროსანთა” ახლანდელმა თავკაცმა თემურ ქეცბაიამ გაიტანა, მაგრამ მისთვის ეს მე-2 სანაკრებო შეხვედრა გახლდათ. ქართველთა დანარჩენი საამმატჩო გოლები კი, ყველა სადებიუტო იყო - გიორგი დარასელიასთვის, მიხეილ ყაველაშვილისა და მიხეილ ჯიშკარიანისთვის.
მორიგ იღბლიან დებიუტს ხუთ წელზე მეტი დააგვიანდა. ვლადიმერ გუცაევის მიერ გაწვრთნილი ნაკრები ბეირუთში, ლიბანის ეროვნულ გუნდს ორჯერ გაეჯიბრა. 1996 წლის ხუთ დეკემბერს ქართველთა მიერ გატანილი ორივე გოლი სადებიუტო გამოდგა. ალექსანდრე იაშვილმა მისი გუნდი 52-ე წუთზე დააწინაურა, ხოლო გიორგი კიკნაძემ 67-ზე ორამდე გაზარდა ანგარიშში სხვაობა. თუმცა, ამის მიუხედავად, საქართველოს ნაკრებმა მაინც წააგო (2:4) რიგით 30-ე ოფიციალური შეხვედრა.
კიდევ უფრო დიდხანს დააგვიანდა ქართველი ფეხბურთელის ბოლოსწინა, მე-8 იღბლიან დებიუტს. 2006 წლის პირველ მარტს, კლაუს ტოპმიოლერის გაწვრთნილი “ჯვაროსნები” მალტას სტუმრობდნენ და 2:0 მოიგეს. ოთარ მარცვალაძემ მე-9 წუთზე ანგარიში გახსნა და ქართული ფეხბურთის ისტორიაშიც შევიდა. სხვათა შორის, ამ მატჩში ქართველთა გერმანელი თავკაცის დებიუტიც შედგა - მან პირველად უხელმძღვანელა საქართველოს ნაკრების თამაშს.
ბოლოს, ერთი საინტერესო დეტალიც. მამა-შვილი გურულები გოლიანი დებიუტის შემსრულებელ ქართველთაგან ყველაზე “ხნიერები” არიან. სანდრო გოლის გატანის მომენტში 25 წლის იყო, გია - 26-სა. სტატიის გმირთაგან ყველაზე ახალგაზრდა მიხეილ ყაველაშვილი გახლდათ - მას 20 წლის შესრულებამდე 20 დღე აკლდა. დანარჩენი დებიუტანტი მეგოლეების ასაკი კი ასეთი იყო: გიორგი კიკნაძე - 20, მიხეილ ჯიშკარიანი - 21, ალექსანდრე იაშვილი - 21, ოთარ მარცვალაძე - 21, გიორგი დარასელია - 22, კახა კაჭარავა - 23.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივნისი 2019 (268)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა