ტატიშვილი საუკეთესო მაჩვენებელს ინარჩუნებს, კალაშნიკოვა ორასეულს დაუბრუნდა

ტატიშვილი საუკეთესო მაჩვენებელს ინარჩუნებს, კალაშნიკოვა ორასეულს დაუბრუნდა

23-11-2010, 12:28

ქალთა საჩოგბურთო ასოციაციის (WTA) განახლებულ რეიტინგში საქართველოს პირველი ჩოგნის სტატუსი ანა ტატიშვილმა შეინარჩუნა, ცვლილებებიდან ყველაზე გამოსარჩევი კი, ალბათ, ოქსანა კალაშნიკოვას საუკეთესო ორასეულში დაბრუნებაა.
გასულ კვირაში კალაშნიკოვამ ოპოლეს 25-ათასიან ტურნირზე წყვილთა გათამაშებაში იმარჯვა, ერთეულებში კი მეოთხედფინალში გააღწია, რამაც მცირედით ახეირა. ოქსანას 297 ქულა მოუგროვდა და ერთეულთა კლასიფიკაციაში 207-ედან 198-ე პოზიციაზე გადაინაცვლა, წყვილებში კი 160-ე ადგილზეა.
როგორც აღვნიშნეთ, ქართველთაგან საუკეთესო შედეგი ანა ტატიშვილს გააჩნია, რომელმაც 502 ქულით კარიერისთვის საუკეთესო 134-ე საფეხური შეინარჩუნა, საქართველოს მე-3 ჩოგანი კი მაკა ჩახნაშვილია, რომელიც ორი პოზიციით დაწინაურდა და ახლა, 151-ეა.
134 (134). ანა ტატიშვილი – 501 ქულა; 198 (207). ოქსანა კალაშნიკოვა – 297; 251 (253). მაკა ჩახნაშვილი – 216; 273 (272), სოფო შაფათავა – 187; 292 (292). თათია მიქაძე – 168; 397 (400). სოფო ქვაცაბაია – 100; 590 (590). მანანა შაფაქიძე – 44; 616 (615). ეკატერინე გორგოძე – 39; 1090 (1091). ანა ჯიქია – 4;
სახარბიელო სიტუაცია ნამდვილად არ გახლავთ პროფესიონალ ჩოგბურთელთა ასოციაციის (ATP) რეიტინგში, სადაც ქართველთაგან საუკეთესო ნიკოლოზ ბასილაშვილი 30 ქულით 642-ე ადგილამდე დაქვეითდა, ლადო ჩიხლაძეს კი 11 ქულით 855-ე საფეხური უკავია.

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

შემოგვიერთდით