Image

პონედელნიკმა, ანანიძემ ზრდა შეაჩერაო

სიახლეები / ფეხბურთი / უცხოური ფეხბურთი 24-ნოე, 16:279 FCB 1418


საბჭოთა კავშირის ნაკრების ყოფილმა ფორვარდმა, ვიქტორ პონედელნიკმა, რომელიც 1960 წელს ევროპის ჩემპიონი გახდა, ჩემპიონთა ლიგაში მოსკოვის “სპარტაკის” მიერ “მარსელთან” წაგებულ (0:3) მატჩზე კომენტარი გააკეთა და ჯანო ანანიძესაც “კბილი გაჰკრა”.
“დიდი ხანია ვაკვირდები ნიჭიერ ბიჭს, ჯანო ანანიძეს. ადრე, ის მოედანზე თვალისმომჭრელი ყვავილივით გამოიყურებოდა – თავისი ხელწერითა და მაღალი ტექნიკით. ახლა კი, ჩვეულებრივ, “ნაცრისფერ” მოთამაშედ იქცა” – იუწყება პონედელნიკის სიტყვებს ინტერნეტ-გამოცემა gazeta.ru.
“მარსელთან” მოსკოვში გამართულ მატჩში ანანიძე მოედანზე 76-ე წუთზე იბსონის ნაცვლად შევიდა.
სხვათა შორის, მანამდე, საქართველოს ნაკრების 18 წლის ფეხბურთელზე, “სპარტაკის” ყოფილმა ნახევარმცველმა, ანდრეი ტიხონოვმა ისაუბრა და აღნიშნა, რომ ჯერჯერობით, ანანიძე მოსკოველთა ლიდერად ვერ ჩამოყალიბდა: “ჯანო ჯერ იმ დონემდე ვერ მივიდა, რომ მოედანზე გავიდეს და “სპარტაკის” ლიდერი გახდეს. ასე შეგვიძლია გუნდის სხვა ფეხბურთელებიც განვიხილოთ, რომლებიც დღეს “გაისვრიან”, ხოლო ნახევარი წლის მერე იკარგებიან”.


მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
დეკემბერი 2018 (236)
ნოემბერი 2018 (414)
ოქტომბერი 2018 (438)
სექტემბერი 2018 (573)
აგვისტო 2018 (535)
ივლისი 2018 (357)
რეკლამა