საქართველოს ნაკრების პირველი ნომერი ნიკოლოზ ბასილაშვილი "როლან გაროზე" წარმატებულ გამოსვლას განაგრძობს, ქართველმა ტურნირის მეორე რაუნდში სამ სეტში 7:6 , 7:6 , 7:6 დაამარცხა მსოფლიოს 32-ე ჩოგანი სერბი ვიქტორ ტროიცკი.

ნიკოლოზმა ამ გამარჯვებით მნიშვნელოვანი ქულები მოიპოვა და რეიტინგში მნიშვნელოვნადაც წაიწევს წინ , მისი შემდეგი მეტოქე კი უდავოდ ტურნირის მთავარი ფავორიტი რაფაელ ნადალი იქნება.

თავის მხრივ ესპანელმა ჩოგბურთელმა ძალიან მარტივად სამ სეტში 6:1, 6:4 , 6:3 რობინ ჰაასი დაამარცხა. ბასილაშვილი და ნადალი აქამდე ერთმანეთს არასდროს შეხვედრიან. შეგახსენებთ, რომ რაფა საფრანგეთის ღია პირველობის ცხრა გზის გამარჯვებულია. ჯერ-ჯერობით შეხვედრის ზუსტი დრო ცნობილი არ არის.