საქართველოს ჩემპიონატმა ახალი ლიდერები გამოავლინა

სიახლეები / სხვა სახეობები / ჭიდაობა 26-ნოე, 18:229 Sportnews 2211 0





დიღომში მდებარე შოთა ჩოჩიშვილის სახელობის ძიუდოს აკადემიაში თავისუფალი სტილით მოჭიდავეთა საქართველოს ჩემპიონატი მიმდინარეობს. ოედღიანი შეჯიბრის პირველ დღეს - 25 ნოემბერს მედლები პირველ-ოთხ წონით კატეგორიაში გათამაშდა.

დღის მთავარი დაპირისპირება 74 კილოგრამის ფინალი გახდა. ერთმანეთს საქართველოს ნაკრების ლიდერი გელა საღირაშვილი და ახალგაზრდებს შორის ევროპისა და მსოფლიოს ჩემპიონი დავით ხუციშვილი დაუპირისპირდნენ. შეხვედრა 2 პერიოდში, ხუციშვილის გამარჯვებით დასრულდა. ახალგაზრდა სპორტსმენმა თავისზე ბევრად გამოცდილი მოწინააღმდეგე კონტრ-ილეთებზე 3-ჯერ გამოიჭირა.

55 კილოგრამში, როგორც მოსალოდნელი იყო, ყველას ვლადიმერ ხინჩეგაშვილმა აჯობა. ფინალში მან ლაშა ლომთაძეს სძლია. უმსუბუქესი წონის ერთ-ერთმა ფავორიტმა ბესიკ გუჩაშვილმა კი ამჯერად 60-ში იჭიდავა და საწყის ეტაპზევე დამარცხდა. ამ წონის ფინალში ნაკრების წევრმა მალხაზ ზარქუამ ახალგაზრდა დავით ბერძნიშვილს სძლია. 66 კილოგრამში კი ჩემპიონი ცოტნე ბარამიძე გახდა. გადამწყვეტ შეხვედრაში მან ილია ხუციშვილს მოუგო.26 ნოემბერს ჩემპიონ-პრიზიორები 84, 96 და 120 კილოგრამებში გამოვლინდებიან.

თავისუფალი ჭიდაობასაქართველოს ჩემპიონატი
თბილისი. 25 ნოემბერი

55 კგ

1 ვლადიმერ ხინჩეგაშვილი (გორი)
2 ლაშა ლომთაძე (ქუთაისი)
3 გივი დავიდოვი (საჩხერე)
3 გიორგი ედიშერაშვილი (თბილისი)

60 კგ

1 მალხაზ ზარქუა (აჭარა)
2 დავით ბერძნიშვილი (გორი)
3 ბექა ლომთაძე (ქუთაისი)
3 გიორგი ბალიაშვილი (გორი)

66 კგ

1 ცოტნე ბარამიძე (გორი)
2 ილია ხუციშვილი (თბილისი)
3 კობა კაკალაძე (აჭარა)
3 მიხეილ ზარქუა (ბოლნისი)

74 კგ

1 დავით ხუციშვილი (საგარეჯო)
2 გელა საღირაშვილი (თბილისი)
3 პაატა ნოზაძე (ქუთაისი)
3 გიორგი მარსაგიშვილი (ყაზბეგი)



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:








მსგავსი სიახლეები
კომენტარის დატოვება






რეკლამა