სიახლეები / ფეხბურთი / უცხოური ფეხბურთი
“სპარტაკს” ევროპის ლიგიდან მოკვეთა ემუქრება

მოსკოვის “სპარტაკის” გულშემატკივრების მიერ სლოვაკეთში, “ჟილინასთან” (2:1) ჩემპიონთა ლიგის ჯგუფური ტურნირის ბოლო ტურის მატჩზე მოწყობილი არეულობა, რუსულ კლუბს, შესაძლოა, ევროპის ლიგიდან მოკვეთად დაუჯდეს.
გამოცემა sport-express-ი, უეფას ოფიციალური წარმომადგენლის, რობ ფოლკნერის სიტყვებზე დაყრდნობით იტყობინება, რომ ევროპული ფეხბურთის მმართველი ორგანიზაციის სადისციპლინო კომიტეტი მატჩის არბიტრისა და დელეგატის მოხსენებებს ელის, რის შემდეგაც ინციდენტის გამოძიება დაიწყება. უეფა განაჩენს, სავარაუდოდ, 16 დეკემბერს დანიშნულ სხდომაზე გამოიტანს.
მოსკოვის “სპარტაკმა” ევროპის ლიგის საგზური ჩემპიონთა ლიგის ჯგუფურ ეტაპზე დაკავებული მესამე ადგილით მოიპოვა. ევროპის ლიგის 1/16-ფინალური ეტაპის კენჭისყრა 17 დეკემბერს ჩატარდება.








კომენტარის დამატება