Image

"ბარსელონას" საყრდენი კედელი

სიახლეები / ფეხბურთი / უცხოური ფეხბურთი 13-დეკ, 16:539 FCB 1587


















სერხიო ბუსკეტსი, ხოსეპ გვარდიოლას ოცნების გუნდში ყველაზე "ნაკლებად დაფასებული“ ფეხბურთელია. მას მუდმივად უწევდა კრიტიკის ატანა, როდესაც ის პირველ გუნდში გადავიდა.
წლინახევრის წინ სერხიო ბუსკეტსი სრულიად უცნობი იყო საფეხბურთო სამყაროსთვის. ახლა კი, 22 წლის ნახევარმცველი თავის პოზიციაზე ერთ–ერთი საუკეთესოა. იგი მსოფლიო ჩემპიონია და თამაშობს გუნდში, რომელსაც ჰქვია ,,ბარსელონა“. იგი შეუცვლელია როგორც ,,ბარსელონაში,“ ასევე ესპანეთის ნაკრებში.
წინა სეზონში გვარდიოლამ გადაწვიტა, რომ ია ია ტურე დაესვა სათადარიგოთა სკამზე და შანსი ბუსკეტსისთვის მიეცა. ეს გადაწყვეტილება ბევრისთვის გვარდიოლას კრიტიკის საბაბი გახდა. ,,ბარსელონას“ ,,კეთილისმსურველებმა“ დაასახელეს ასეთ ცვლილების რამდენიმე მიზეზი:
1: ბუსკეტსი გუნდში მხოლოდ მამამისის გავლენის გამო თამაშობდა, რადგან ,,ბარსელონას“ ყოფილი მეკარე და გვარდიოლა მეგობრები არიან.
2: სერხიო ბუსკეტსმა ითამაშა ესპანეთის ნაკრებში, სათანადო კონკურენტი არ ჰყავდა საყრდენის პოზიციაზე ხაბი ალონსოს გვერდით.
3: სწორედ ამიტომ გადაწვიტა ,,ბარსელონას“ ხელმძღვანელობამ მიეცათ უფლება სერხიოსთვის ეთამაშა ძირითადში.

"ბარსელონას" საყრდენი კედელი


მართალია, ბუსკეტსი არ იყო პოპულარული, თუმცა იგი ყოველთვის ბლაუგრანას ერთგული რჩებოდა. იგი ღირსეულად ხვდებოდა ყველა იმ მარცხს რაც ,,ბარსელონამ“ მისი თამაშის დროს განიცადა. მაშინ, როდესაც ბლაუგრანა ჩემპიონთა ლიგის ნახევარ–ფინალიდან გამოვარდა, ბევრმა ეს მარცხი სერხიო ბუსკეტს გადააბრალა. ,,ამ მატჩში ია ია ტურეს რომ ეთამაშა, ისინი ფინალში იქნებოდნენ“ ამტკიცებდა ზოგიერთი. თუმცა, სერხიომ ,,სან სიროზე“ ძალიან კარგად ითამაშა.

ესპანეთის ნაკრების მწვრთნელმა, ვისენტე დელ ბოსკემ სერხიო ბუსკეტსი მსოფლიო ჩემპიონატისთვის გამოიძახა და ძირითადში დააყენა. ამ ფაქტს ყველა ცინიკურად უყურებდა. სერხიო ნაკრებში შეუცვლელი ფიგურა გახდა. იგი კარგად შეეწყო ჩაბი ალონსოს. როდესაც ცვლილების დრო დადგა, ყველას ეგონა, რომ ტაბლოზე 16 ნომერი დაიწერებოდა (მგონი თვით სერხიოსაც კი), მაგრამ მოედანი ჩაბი ალონსომ დატოვა. ამ გადაწყვეტილებას მძიმე კრიტიკა მოჰყვა, თუმცა დელ ბოსკემ გვარდიოლას მაგალითს მიბაძა.

"ბარსელონას" საყრდენი კედელი


სერხიოს აქვს ყველა თვისება, რომელიც ,,ბარსელონაში“ მას განსაკუთრებულს ხდის: შესანიშნავი მოძრაობა ბურთით, მას შეუძლია საოცრად მოკლე პერიოდში წაიკითხოს თამაში და გააკეთოს ზუსტი პასები, მიუხედავად მისი სიმაღლისა, აქვს კარგი გარღვევის უნარი, როცა მას ამის საშუალება ეძლევა. მსოფლიო ჩემპიონატის ფინალში, მისმა თამაშმა თავიდან ბოლომდე გადაფარა უესლი სნეიდერი. მისი თამაშის შემხედვარე ადვილია იპოვო საერთო სერხიოსა და გვარდიოლას თამაშს შორის.
მსოფლიო ჩემპიონატის შემდეგ, მხოლოდ სერხიოს "პირადი კრიტიკოსები" აკრიტიკებდნენ მას, თუმცა მისი თამაში საპირისპიროს ამტკიცებდა და ახლაც ამტკიცებს.

კიდევ ერთი მაგალითი, ,,ელ კლასიკო“. ერთადერთი სიტყვა, რომელიც მის თამაშს აღწერდა ესაა სრულყოფილი. ხედირა, ოზილი და რონალდო– ყველა ძალიან კარგი ფეხბურთელია, თუმცა სერხიომ მათი შეჩერება ადვილად შეძლო. მართალია, ,,ბარსელონა“ დომინირებდა, მაგრამ როდესაც იგი მიდიოდა გარღვევაზე, მისი გაჩერება არავის შეეძლო. ჩავის და ინიესტას დაცვაში საკმაოდ კარგად აზღვევდა.

"ბარსელონას" საყრდენი კედელი


ძალიან ბევრი ასეთი მაგალითისა და სიტყვის მოტანა შეიძლება. სერხიოს პოზიციაზე შეეძლო ეთამაშა ია ია ტურესაც და მასკერანოსაც, თუმცა არავის შესწევს ძალა 22 წლის ასაკში ითამაშო ისე სრულყოფილად ამ პოზიციაზე, როგორც ამას სერხიო აკეთებს.

პეპ გვარდიოლას ,,ოცნების გუნდი“ ფართოდ არის აღიარებული, როგორც ერთ-ერთი საუკეთესო გუნდი, რომლის ნაწილიც არის 22 წლის ფეხბურთელი სერხიო ბუსკეტსი. ეს ფაქტი მის ხარისხიან თამაშზე მეტყველებს.

ასეთი თამაში და ახალგაზრდული პერსპექტივა ბუსკეტსს ნამდვილად აძლევს საშუალებას, რომ გახდეს ,,ბარსელონას“ ლეგენდა.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
FCB 13 დეკემბერი 2010 16:53
ჩემი სტატიია და წყარო ამიტო არ მივაწერე...
შემოგვიერთდით
რეკლამა
არქივი
ივნისი 2019 (172)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა