Image

ჭრიკიშვილმა და ლიპარტელიანმა სარეიტინგო ქულები ჩაიწერეს

სიახლეები / სხვა სახეობები / ჭიდაობა 13-დეკ, 21:209 Sportnews 2625


















საქართველოს ძიუდოისტთა ნაკრებმა 2010 წლის ბოლო საერთაშორისო ტურნირი, ძიგარო კანოს სახელობის დიდი სლემი უმედლოდ ჩაამთავრა. 11-13 დეკემბერს, ტოკიოს ტატამზე 7 ქართველი გავიდა და მათგან 5 შეჯიბრს საწყისი ეტაპებიდანვე გამოეთიშა. ყველაზე შედეგიანად ნაკრების დებიუტანტმა, ავთანდილ ჭრიკიშვილმა და ლიდერმა, ვარლამ ლიპარტელიანმა იჭიდავეს. სამეულამდე ორივეს თოთო გამარჯვება დააკლდა.

ჭრიკიშვილმა, რომელიც ახალგაზრდებს შორის ევროპისა და მსოფლიოს ჩემპიონია, სამეულამდე მომავალმა ჩემპიონმა, იაპონელმა ტაკაჰირო ნაკაიმ არ მიუშვა. შეხვედრის ბედი ნაკაის ვაზარმა გადაწყვიტა. ამ შეხვედრამდე ქართველმა ორი მეტოქე ჩამოიცილა - პოლონელ რობერტ კრავჩუკს იუკოთი სძლია, ხოლო მსოფლიო რეიტინგის მე-15 ნომერს, ამერიკელ ტრევის სტივენსს - 2 წუთში, იპონით.

ლიპარტელიანმა პირველ წრეში, სამხრეთკორეელ სო კეუნ სონგს 2 წუთსა და 42 წამში მოუმთავრა საქმე, არგენტინელ ჰექტორ კამპოსს 2 იუკო აკმარა. ბრაზილიელ ტიაგო კამილოს ვაზარი კი აუღო, მაგრამ თავად ორჯერ წამოეგო და ნახევარფინალს მიღმა დარჩა. დიდ სლემზე რეპეშაჟის წესი არ მოქმედებს და მეოთხედფინალში დამარცხებულმა ძიუდოისტებმა პირდაპირ მე-5 ადგილები დაიკავეს.

ამასთან, 60-60 სარეიტინგო ქულაც მიიღეს.საქართველოს ძიუდოისტთა ნაკრებმა ამ ტურნირამდე, იაპონიაში ათდღიანი მოსამზადებელი შეკრება გაიარა. სოსო ლიპარტელიანი და მისი გუნდი ძიუდოს სამშობლოში ვარჯიშს ტურნირის დასრულების შემდეგაც გააგრძელებენ - ერთობლივ წვრთნებში ჩაერთვებიან.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივნისი 2019 (262)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა