ტრავმის შემდგომ "ატლეტიკოს" მცველმა ვარჯიში განაახლა

ტრავმის შემდგომ

11-10-2017, 15:50

„ატლეტიკოს“ მცველმა შიმე ვრსალკომ შესაძლოა „ბარსელონას“ წინააღმდეგ თამაში შეძლოს.

როგორც „მარკა“ იუწყება, ხორვატი მცველის ტრავმა სერიოზული არ აღმოჩნდა.

შეგახსენებთ, რომ 2018 წლის მსოფლიო ჩემპიონატის შესარჩევი ეტაპის ფარგლებში ხორვატია უკრაინას დაუპირისპირდა და 2:0 ანგარიშით გაიმარჯვა. სწორედ აღნიშნულ დაპირისპირებაში მიიღო ვრსალკომ ტრავმა.

ფეხბურთელის სიტყვებით, მან დისკომფორტი იგრძნო მუხლქვეშა მყესის მიდამოებში და შეცვლა ითხოვა.

ახლა ხორვატი „ატლეტიკოს“ შემადგენლობას დაუბრუნდა და „ბარსელონას“ წინააღმდეგ შეხვედრის ჩასატარებლად ემზადება.

მიმდინარე სეზონში „ატლეტიკოს“ შემადგენლობაში ვრსალკომ მხოლოდ და მხოლოდ 3 მატჩი ჩაატარა.

შაბათს, თბილისის დროით 22:45 საათზე „ატლეტიკო“ “ბარსელონას“ უმასპინძლებს.

ტრავმის შემდგომ "ატლეტიკოს" მცველმა ვარჯიში განაახლა

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით