ხავიმ ყველაფერი გამოააშკარავა: რატომ წავიდა ნეიმარი "ბარსელონადან"?

კატალონიის "ბარსელონას" ყოფილმა ფეხბურთელმა ჩავი ერნანდესმა ნეიმარ ჯუნიორის ტრანსფერზე ისაუბრა. ესპანეთის ეროვნული ნაკრების ექს-ფეხბურთელმა ბრაზილიელის "პსჟ"-ში წასვლის მიზეზი დაასახელა.

"მე ნეიმარს ჯერ კიდევ ლიონელ მესის ქორწილში ვესაუბრე და მითხრა, რომ გუნდის შეცვლა უნდოდა. როცა ვკითხე რა იყო "ბარსელონადან" წასვლის მიზეზი, მიპასუხა, რომ თავს ბედნიერად არ გრძნობდა.

ეს, ახალი ევროპული გამოწვევებისა და გამოცდილებისთვის გააკეთა. იმედია პარიზში წარმატებული სეზონი ექნება", – აცხადებს ხავი.