სულ მალე "მილანს" შესაძლოა ახალი მწვრთნელი ჩაუდგეს სათავეში

სულ მალე

21-10-2017, 22:35

„მილანის“ სამწვრთნელო შტაბში მომავალი კვირების განმავლობაში სპეციალისტების ცვლილება მზადდება. კლუბის ხელმძღვანელობამ ვინჩენცო მონტელას ულტიმატუმი წაუყენა, რომლის მიხედვითაც, გუნდმა მომავალ რამდენიმე მატჩში ქულების მაქსიმალური რაოდენობა უნდა აიღოს, წინააღმდეგ შემთხვევაში, იტალიელს პოსტიდან დაითხოვენ.

„Football Italia”-ს ინფორმაციით, მონტელას პოტენციურ შემცვლელად რუსეთის ყოფილი მწვრთნელი გუს ჰიდინკი სახელდება. დღეისათვის იგი თავისუფალი აგენტია.

შეგახსენებთ, რომ „მილანი“ „სერია A”-ს სატურნირო ცხრილში მე-10 პოზიციაზე იმყოფება. ეს მდგომარეობა კლუბის ამბიციებს სრულიად ეწინააღმდეგება. გასულ ზაფხულს ტრანსფერებში ძალიან დიდი რაოდენობის თანხა ჩადო კლუბმა. ჯერ-ჯერობით ეს ყველაფერი არ ამართლებს „მილანის“ ახალ მფლობელთა მოლოდინს. ეს უკმაყოფილება კი სრულიად გასაგებიცაა.

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით