"ფიფამ" 2017 წლის საუკეთესო სიმბოლური გუნდი დაასახელა

24-10-2017, 15:40

დღეს, მსოფლიოს წამყვანმა საფეხბურთო ორგანიზაცია „ფიფამ“ თავისი წარმომადგენლების მეშვეობით, დაასახელა 2017 წლის სიმბოლური საუკეთესო გუნდი. მასში ყველაზე მეტი ფეხბურთელი „ჩემპიონთა ლიგის“ მოქმედი ჩემპიონი კლუბიდან - მადრიდის „რეალიდან“ აღმოჩნდა. სამეფო კლუბიდან „ფიფამ“ 5 ფეხბურთელი აირჩია, „ბარსელონადან“ და „პ.ს.ჟ.“-დან 2-2, ხოლო თითო-თითო „იუვენტუსიდან“ და „მილანიდან“.

შემადგენლობაში შევიდნენ ჯანლუიჯი ბუფონი („იუვენტუსი“), ლეონარდო ბონუჩი („იუვენტუსი“/“მილანი“), დანიელ ალვესი („იუვენტუსი“/“პ.ს.ჟ.“), მარსელო, სერხიო რამოსი, ლუკა მოდრიჩი, ტონი კროოსი, კრიშტიანუ რონალდუ - ყველა მადრიდის „რეალიდან“, ნეიმარი („ბარსელონა“/“პ.ს.ჟ.“), ანდრეს ინიესტა და ლიონელ მესი - ორივე „ბარსელონადან.“

შეგახსენებთ, რომ წლის საუკეთესო ფეხბურთელი „რეალის“ თავდამსხმელი კრიშტიანუ რონალდუ გახდა, საუკეთესო მთავარ მწვრთნელად კი ზინედინ ზიდანი დასახელდა.

აქვე აღვნიშნავთ, რომ გავლენიანი გამოცემის www.transfermarkt.com-ის ინფორმაციით, 2017 წლის სიმბოლურ საუკეთესო გუნდში არსებული ფეხბურთელების საერთო ღირებულებამ 626,000 მილიონი ევრო შეადგინა. თუმცაღა, ყველაზე ძვირადღირებული კლუბების სარეიტინგო ცხრილში ასეთი გუნდი მხოლოდ მე-6 ადგილს დასჯერდებოდა, რადგან მის მაღლა იდგებოდნენ ისეთი კლუბები, როგორიცაა „მანჩესტერ სიტი“, „ჩელსი“, „პ.ს.ჟ.“, „ბარსელონა“ და „რეალი“.

"ფიფამ" 2017 წლის საუკეთესო სიმბოლური გუნდი დაასახელა

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით