ზიდანი "ბარსელონასთან" 10 ქულიან ჩამორჩენაზე კომენტარს აკეთებს

ზიდანი

19-11-2017, 19:16

ზინედინ ზიდანმა მადრიდის „ატლეტიკოსთან“ დაფიქსირებული 0:0 ფრეს შემდგომ, კომენტარი გააკეთა:

„რა თქმა უნდა, „ბარსელონა“ ქულებს დაკარგავს. ნუთუ უკვე გადაწყვეტილია „ლა ლიგის“ გამარჯვებული? არამც და არამც. ჩემპიონატის დასასრულამდე კიდევ ბევრი მატჩია სათამაშო. მრავალი ქულის გამომუშავება შეგვიძლია. 10 ქულა ძალიან ბევრია, მაგრამ ის სიტუაცია რაც ახლაა, უდავოდ შეიცვლება.“

„ბარსელონა“ ყველა მატჩში 3 ქულას ვერ მოიპოვებს და აღნიშნულ ფაქტს ჩვენდა სასიკეთოდ გამოვიყენებთ. ასე რომ, როცა გადაჭრით ამბობენ, რომ თასის მფლობელის ვინაობა გადაწყვეტილია, ეს სიმართლეს არ შეესაბამება.“

„ჩვენ ჩვენი საქმე უნდა ვაკეთოთ. ფეხბურთში ბევრი რამ თვალის დახამხამებაში იცვლება. ბოლომდე ვიბრძოლებთ. როცა „რეალში“ მოვედი, 10 ქულით ჩამოვრჩებოდით „ბარსელონას“, მაგრამ საბოლოოდ მხოლოდ 1 ქულით გვისწრებდნენ. ყველაფერს დადებითად, პოზიტიურად უნდა შევხედოთ და ჩვენი საქმე ვაკეთოთ. ამგვარმა ფილოსოფიამ ბოლო 2 წელიწადში დიდი წარმატება მოგვიტანა.“ - დასძინა ფრანგმა სპეციალისტმა.

მოგეწონათ ჩვენ მიერ შემოთავაზებული სტატია? გთხოვთ მოიწონოთ ან გააზიაროთ :
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით