ნეიმარის მამამ კომენტარი გააკეთა ნეიმარის მადრიდის „რეალში“ შესაძლო გადასვლის თაობაზე და საკმაოდ გაღიზიანებულმა აგორებულ ხმებს „განუხორციელები იდეა“ უწოდა.

ბრაზილიელი სუპერვარსკვლავი გასულ ზაფხულს გადავიდა „პ.ს.ჟ.“-ში 220 მილიონი ევროს სანაცვლოდ, მაგრამ სულ მალე გავრცელდა ხმები, თითქოსდა ნეიმარი უკმაყოფილო იყო „ლიგა 1“-ით და პარიზული კლუბის მთავარი მწვრთნელის - უნაი ემერის მოღვაწეობით. ამ ყველაფერს ლოგიკურად მოჰყვა სპეკულაციები, რომ ნეიმარი მალე დატოვებდა ფრანგულ კლუბს.

„Fox Brazil”-ის კითხვაზე, ნეიმარის მამამ ამგვარი კომენტარი გააკეთა: „როგორ შეიძლება მსგავს კითხვას პასუხი გავცე. არ შემიძლია ვილაპარაკო იმაზე, რაც არ არსებობს. როგორ შეიძლება იგი მადრიდის „რეალში“ გადავიდეს? რანაირ კითხვებს მისვამთ?“

შემდგომ ნეიმარის მამამ ორაზროვნად ისაუბრა: „დღეისათვის ნეიმარის მადრიდის „რეალში“ გადასვლის იდეა არ არსებობს, ეს შეუძლებელი და განუხორციელებელია. მე ვერ ვილაპარაკებ იმ შეთანხმებაზე, რაც შესაძლოა ხუთ ან ექვს წელიწადში განხორციელდეს.“

„პარი სენ-ჟერმენთან“ ნეიმარს ხანგრძლივი კონტრაქტი აქვს გაფორმებული და მან სულ ახლახანს დაიწყო კლუბში თამაში. სამი თვეა რაც ასპარეზობს და უკვე ამგვარი სპეკულაციები ვრცელდება.“