სახურავის ფული არ აქვთ

სიახლეები / ჩოგბურთი 14-სექ, 21:489 Sportnews 1371 0





მამაკაცების ფინალის გარდა, დასამთავრებელია ქალ წყვილთა გადამწყვეტი მატჩი. წვიმა მაშინ წამოვიდა, როცა ლიზელ ჰუბერისა (აშშ) და ნადია პეტროვას (რუსეთი) წყვილი მესამე სეტში 5:4-ს უგებდა ამერიკელ ვანია კინგსა და ყაზახ იაროსლავა შვედოვას.
ბუნებრივია, დღის წესრიგში დადგა ცენტრალურ კორტზე მოძრავი სახურავის დამონტაჟება, თუმცა ამერიკის ჩოგბურთის ასოციაცია დიდ ნაკლად არ მიიჩნევს იმას, რომ "ფლეშინგ მედოუს" სტადიონზე არ არსებობს თანამედროვე საჩოგბურთო არენებისთვის საჭირო ეს აუცილებელი ატრიბუტი. "დიდი სლემის" მეოთხე ტურნირის ორგანიზატორებს არ აღელვებთ ფინალური მატჩების გადატანა, რომელიც უსიამოვნო ტრადიციად ჩამოყალიბდა.

"ეს რთული პროექტია როგორც ტექნიკური, ასევე ფინანსური თვალსაზრისით. როგორ უნდა განვავითაროთ ქვეყანაში საჩოგბურთო პროგრამები, როცა სახურავის მონტაჟისთვის 150 მილიონი დოლარი დაიხარჯება?" - ამბობს ფედერაციის წარმომადგენელი კრის ვიდმაიერი. "ფლეშინგ მედოუს" მოდერნიზაციაზე ბოლო წლებში ისედაც 100 მილიონი დოლარი დაიხარჯა. ამ თანხის დიდი ნაწილი საწვრთნელი ცენტრის მოწყობას დასჭირდა.

როგორც იცით, მოძრავი სახურავით არის აღჭურვილი ავსტრალიის ღია პირველობისა და უიმბლდონის ცენტრალური კორტები, ხოლო იგივე პროექტის განხორციელებაზე ფიქრობს როლან გაროსის საორგანიზაციო კომიტეტი.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:








მსგავსი სიახლეები
კომენტარის დატოვება






რეკლამა