ტატიშვილი წინსვლას განაგრძობს

ტატიშვილი წინსვლას განაგრძობს

1-02-2011, 18:19

ქალთა საჩოგბურთო ასოციაციის (WTA) განახლებულ რეიტინგში, ქართველი ანა ტატიშვილი ერთი საფეხურით დაწინაურდა და კარიერის მორიგი რეკორდი დაამყარა – ახლა, ანა მსოფლიოს 129-ე ჩოგანია, მის აქტივში კი - 540 ქულაა.
ტატიშვილის შემდეგ, ქართველთაგან საუკეთესო შედეგი ოქსანა კალაშნიკოვას გააჩნია, წელი ყველაზე წარმატებულად კი - მაკა ჩახნაშვილმა დაიწყო, რომელმაც ფრანგულ ტურნირებზე რამდენიმე მატჩი მოიგო და 222 ქულით, 257-დან 239-ე საფეხურზე გადაინაცვლა.
სულ, რეიტინგში ცხრა ქართველი გოგონაა.
129 (130). ანა ტატიშვილი – 540 ქულა; 193 (191). ოქსანა კალაშნიკოვა – 310; 239 (257). მაკა ჩახნაშვილი – 222; 278 (281). სოფო შაფათავა – 180; 291 (292). თათია მიქაძე – 168; 413 (416). სოფო ქვაცაბაია – 87; 591 (589). მანანა შაფაქიძე – 44; 623 (624). ეკატერინე გორგოძე – 39; 1149 (1147). ანა ჯიქია – 3;
მიმდინარე კვირაში, სოფო ქვაცაბაია და ეკატერინე გორგოძე ესპანეთის ქალაქ მალიორკაში იმყოფებიან, სადაც 10-ათასიანი ტურნირის ძირითად ბადეში ითამაშებენ.

მოგეწონათ ჩვენ მიერ შემოთავაზებული სტატია? გთხოვთ მოიწონოთ ან გააზიაროთ :
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით