"ჩელსი" ჯანო ანანიძეზე ჩაფიქრებულა

21-10-2010, 19:40

საქართველოს ნაკრებისა და "სპარტაკის" ქართველი ნახევარმცველი ჯანო ანანიძე "ჩელსის" წინააღმდეგ ჩემპიონთა ლიგის მატჩის მიწურულს შეცვლაზე შემოვიდა, თუმცა ლონდონური კლუბის სკაუტთა ყურადღების ცენტრში უმალ მოექცა.

როგორც ირკვევა, რომან აბრამოვიჩის კლუბის მესვეურთა ნიჭიერი ქართველით დაინტერესება ახალი ამბავი სულაც არაა. ანანიძეზე ცნობების შეგროვება ბრიტანელ სკაუტებს მას შემდეგ დაუწყიათ, რაც 17 წლისა მოსკოვის "სპარტაკის" ძირითად გუნდში შეკრებაზე პირველად გამოიძახეს. მათ არც "სპარტაკის" ოფიციალურ მატჩში "კრასნოდარის" წინააღმდეგ გატანილი მისი გოლი გამორჩენიათ, რომელსაც რუსმა სპორტულმა ჟურნალისტებმა ბრწყინვალე და მომაჯადოვებელი უწოდეს. შარშან, ჯერ კიდევ არასრულწლოვანმა, უკვე რუსეთის ჩემპიონატის რეკორდი მოხსნა - ის ყველაზე ახალგზარდა ფეხბურთელი გახდა, ვისაც რუსეთის უმაღლეს ლიგაში გოლი გაუტანია. მანამდე კი ანანიძეს საქართველოს ეროვნულ ნაკრებში, იტალიის წინააღმდეგაც უხმეს.

აღსანიშნავია, რომ "სპარტაკს" ქართველი ნახევარმცველი ხელში უფასოდ მას შემდეგ ჩაუვარდა, რაც ვუნდერკინდზე უარი კიევის "დინამომ" განაცხადა. დღეს უკრაინელები ძალიანაც ნანობენ, მაგრამ გვიანია - ჯანოს ფასი ყოველთვიურად მათემატიკური პროგრესიით იზრდება.

"სპარტაკს" ანანიძეში 2 მლნ ევრო უკვე შესთავაზეს, მაგრამ მოსკოვური კლუბის გენერალურმა დირექტორმა ვალერი კარპინმა ქვა ააგდო და თავი შეუშვირა - ჯანოს მხოლოდ იმ შემთხვევაში დავთმობთ, თუ რომელიმე სუპერკლუბში გადავა და თან ძალიან დიდ ფულს შემოგვთავაზებენო.

ვნახოთ რა იქნება, მანამდე კი გეტყვით, რომ "ჩელისისთან" ლიგის მატჩის დასრულების შემდეგ ჯანომ თვით ჯონ ტერის მაისურების გაცვლა თამამად სთხოვა, რაზეც ინგლისელ ვარსკლავს უარი არ უთქვამს.

# 7ავტორი: ilia7
ამ ბავშვს ძაან კარგი მომავალი აქვს
# 18ავტორი: CHELSEA
kaia tu gadmova... chelseashi gadasvlit did praqtikas da gamocdilebas miigebs smile
# 348ავტორი: Eke
ჯერ ადრეა ჩელსიში გადასვლა
# 1454ავტორი: admin
გოგა სურატის ზომები აკონტროლე ხოლმე!

კარგია მაგრამ ჩემი აზრით ჯანოსთვის ეხლა ჯობია ძლიერი სკოლის მქონე გუნდში მოხვედრა, კიევის დინამო ან აიაქსი ან რამე მზგავსი, რაგან ის ჯერ კიდევ უნდა გაიზარდოს ფეხბურთელად და ტავის ნიჭს გამოყენება მისცეს!
# 520ავტორი: slim4you
ვა ნაგარია, ჩელსიში რო გადავიდეს ძაან მაგარი იქნება, მართლა კაი ბიჭია და იმედია დიდი ფეხბურთელი გახდება.
# 2783ავტორი: Sportnews
აუუ ჯანო მაგარია და ჩელსიში თუ გადავა უდიდესი წარმატება იქნება არა მარტო მისი არამედ ქართველებისთვის , ჯანოსთვისაც უდიდესი პროგრესი იქნება ჩელსიში თუ ვიხილავთ.

--------------------

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით