UEFA 3 წელში ჩემპიონთა ლიგის განახლებას გეგმავს - ორგანიზაცია აპირებს, რომ გუნდების რაოდენობა 32-დან 36-მდე გაზარდოს.
ამასთან, 8 ჯგუფის ნაცვლად, კლუბები ერთ დიდ ჯგუფში, "შვეიცარიული სისტემით" მოხვდებიან. გარდა ამისა, ასევე განხილვის საგანია ტურნირის ფინალის ჩატარების ლოკაცია.
The Sun-ის ინფორმაციით, შესაძლოა, ევროპის უპრესტიჟულესი საკლუბო ტურნირის ფინალი ამერიკის შეერთებულ შტატებში, კერძოდ, ნიუ-იორკში ჩატარდეს.
ჩემპიონთა ლიგის მომავალი რამდენიმე ფინალის ადგილმდებარეობა უკვე ცნობილია - სტამბოლი, სანქტ-პეტერბურგი, მიუნხენი და ლონდონი, - თუმცა ამის შემდეგ გარკვეული არაფერია.
აღსანიშნავია, რომ ეს არაა პირველი შემთხვევა, როცა ფინალის ევროპის საზღვრებს მიღმა გამართვაზე გავრცელდა ცნობები და, ამასთანავე, ადრეც აშშ-ის ვარიანტი განიხილებოდა.
ჯერ კიდევ 2019 წლის ინფორმაციის თანახმად, TEAM Marketing AG, რომელიც UEFA-ს კომერციულ ინტერესებს წარმოადგენს, გეგმის პოტენციურ პარტნიორებთან და მედიასთან მოლაპარაკებებს აწარმოებდა.
მსჯელობის შედეგად, საბოლოოდ მიიჩნიეს, რომ ამერიკული ფეხბურთის კლუბების - "ნიუ-იორკ ჯიანტსისა" და "ნიუ-იორკ ჯეტსის" არენა, "მეტლაიფ სთედიუმი", რომელმაც ორჯერ "რესთლმანიასაც" უმასპინძლა, სასურველი ლოკაციაა.
იმ შემთხვევაში, თუ ფინალი "დიდ ვაშლში", ადგილობრივი დროით 15:00 საათზე ჩატარდება, დაპირისპირება დიდ ბრიტანეთში - 20:00 საათზე, ხოლო ევროპის მასშტაბით 21:00 საათზე დაიწყება, რაც ჩვეულებრივი დროა.
ინიციატივა ჩემპიონთა ლიგის ფორმატთან დაკავშირებით, რომელიც ფეხბურთის გულშემატკივრები გააღიზიანა
გაზიარება
მოინახულეს 883-ჯერ
კომენტარები
18-03-2024 13:25
2 429
რეზი არველაძის და თეონა თავართქილაძის პირველი ემოციები, მას შემდეგ რაც შვილიშვილი შეეძინათ - კადრები სოციალურ ქსელში ვრცელდება
ვრცლად
17-03-2024 19:26
180
"10 მილიონ დოლარს მთავაზობდნენ, რომ მათი ქვეყნის სახელით მეასპარეზა..", - ლაშა ტალახაძის უცნობი ისტორია
ვრცლად
17-03-2024 13:23
1 053
ხვიჩა კვარაცხელია ნაპოლის ყველაზე მაღალანაზღაურებადი ფეხბურთელი ხდება
ვრცლად
17-03-2024 10:19
1 419
"ილია თოფურიამ, საოცნებო გამარჯვებისთვის მიღებული თანხით ჩვენი ერთ-ერთი შვილობილის ოპერაცია დააფინანსა" - რა ინფორმაციას აქვეყნებს "ბერი ანდრიას ფონდი"
ვრცლად