Image

მორაგბეთა 19-წლამდელთა ნაკრები ევროპირველობის ნახევარფინალში გავიდა

სიახლეები / სხვა სახეობები / რაგბი 25-ოქტ, 15:169 Sportnews 1734


















24 ოქტომბერს საქართველოს 19-წლამდე მორაგბეთა ნაკრებმა, ბელგიაში მიმდინარე ევროპის ასაკობრივი ჩემპიონატის მეოთხედფინალში პორტუგალიის ნაკრები 27:3 დაამარცხა. პაატა ნარიმანაშვილის გუნდი ნახევარფინალში რუმინეთის ნაკრებს დაუპირისპირდება, რომელმაც თავის მხრივ უკრაინას 36:0 მოუგო.

პატარა "ბორჯღალოსნებმა" პორტუგალიასთან თამაში აქტიურად დაიწყეს და მალევე თხილაიშვილის ლელოთი 5:0 დაწინაურდნენ, მაგრამ გარდასახვა ვერ გამოიყენეს. შესვენებამდე ქართველებმა კიდევ ერთი ლელო მიითვალეს, თუმცა, გარდასახვა ამჯერადაც გაუცუდდათ. პირველ ნახევარში მეტოქეებმა ჯარიმები გაცვალეს, ტაიმი ქართველთა გამარჯვებით 13:3 დამთავრდა.

მე-2 ტაიმში საქართველოს ნაკრებმა კიდევ უფრო უკეთ ითამაშა, მეტოქეს ქულა არ ააღებინა, თავად კი მონაგარს 14 შემატა და 27:3 იმარჯვა. თასის ნახევარფინალში გავიდა რუსეთის ნაკრებიც, რომელიც ესპანეთს პირველი ნახევრის შემდეგ 22:0-ს უგებდა, ჯამში კი 27:15 აჯობა. რუსეთის მეტოქე ნახევარფინალში ბელგია იქნება, რომელმაც პოლონეთი დიდი სხვაობით - 45:10 დაამარცხა.


ევროპის ჩემპიონატი 19-წლამდე მორაგბეთა შორის

ბელგია. 24 ოქტომბერი. 1/4-ფინალი

ლეუვენი. RC

რუსეთი - ესპანეთი 27:15
რუმინეთი - უკრაინა 36:0

ბრიუსელი. Stade Roi Baudouin

საქართველო - პორტუგალია 27:3
ბელგია - პოლონეთი 45:10



27 ოქტომბერი. ოთხშაბათი

თასის ნახევარფინალი

რუმინეთი - საქართველო
რუსეთი - ბელგია

ნახევარფინალები V-VIII ადგილებისათვის

უკრაინა - პორტუგალია
ესპანეთი - პოლონეთი

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივნისი 2019 (176)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა