"მილანი" 2:2 "რეალი"

4-11-2010, 12:39

დასრულდა ჩემპიონთა ლიგის მეოთხე ტურიც. ტურის ცენტრალური მატჩი კი "მილანმა" და "რეალმა" ფრედ 2:2 ითამაშეს. შესანიშნავ ფორმაში მყოფი მადრიდის “რეალი” “მილანს” ეწვია და მიუხედავად სათამაშო უპირატესობისა, მხოლოდ ბოლო წამებზე გატანილი გოლით მოიპოვა ქულა.
სტუმრებმა ანგარიში 45-ე წუთზე გახსნეს, როდესაც დი მარიას ძალზე კარგი გადაცემით მეკარესთან პირისპირ გასულმა იგუაინმა ზუსტად დაარტყა და “რეალის” ისტორიაში, ჩემპიონთა თასზე/ლიგაზე, მე-700 გოლი გაიტანა. “სამეფო კლუბს” გოლამდეც არაერთხელ ჰქონდა მეტოქის კარის აღების შანსი, მაგრამ არც იმის დავიწყება შეიძლება, რომ ალეგრის შეგირდებიც ახერხებდნენ ძალზე სახიფათო იერიშების განხორციელებას. იბრაჰიმოვიჩმა მეკარესტან პირისპირ ორჯერ დარჩა, თუმცა მან გოლის გატანა ვერ მოახერხა. პიველ შემთხვევაში იკერ კასილასმა ივარგა, მეორე შემთხევვაში კი შვედმა ბუთი კარს ააცდინა.

გუშინდელ თამაშამდე, “რეალს” ლიგაზე გოლი გაშვებული არ ჰქონდა და კასილიასი ამას არც აპირებდა, მაგრამ როდესაც საქმეში პიპო ინძაგი ჩაერთო, სიტუაცია შეიცვალა. 68-ე წუთზე, პეპეს შეცდომის შემდეგ საჯარიმოში შეჭრილმა იბრაჰიმოვიჩმა არცთუ კარგად დაარტყა, მაგრამ კასილიასის შეცდომის შემდეგ, “სუპერპიპოს” ბურთი ცარიელ კარში თავით გადაგზავნა არ გასჭირვებია. ზუსტად ათ წუთში, გატუზოს გადაცემის შემდეგ, კასილიასთან პირისპირ გასულმა ინძაგიმ მეტოქის მეკარეს ბურთი ფეხებშუა გაუძვრინა და მასპინძლები დააწინაურა.

უნდა აღინიშნოს, რომ გადაცემის დროს, ინძაგი აშკარად თამაშგარე მდგომარეობაში იყო, მაგრამ არბიტრმა მას გოლი არ გაუუქმა, რის შედეგადაც, იტალიელს ევროტურნირებზე 70 გოლი დაუგროვდა და იგი ახლა სწორედ “რეალის” ლეგენდასთან, რაულთან ერთადაა ამ მხრივ რეკორდის მფლობელი.

მიუხედავად მე-2 ტაიმში თამაშის გამოსწორებისა და ანგარიშში დაწინაურებისა, მილანელებმა მოგება მაინც ვერ მოახერხეს, რადგან 93-ე წუთზე, ბენზემას გადაცემით დასარტყმელ პოზიციაზე გასულმა პედრო ლეონმა აბიატის ბურთი ფეხებშუა გაუძვრინა და გუნდს ქულა მოუტანა.



დანარჩენი მატჩების შედეგები:

ბაზელი-რომა 2-3

კლუჟი-ბაიერნი 0-4

ჩელსი-სპარტაკი 4-1

ჟილინა-მარსელი 0-7

მილანი-რეალი 2-2

ოსერი-აიაქსი 2-1

პარტიზანი-ბრაგა 0-1

შახტარი-არსენალი 2-1

# 527ავტორი: beqa_beqa
აუ ჰოვარდ ვების დეგენერატი დედა ვატირე
# 348ავტორი: Eke
ხოო ბევრს ყვიროდნენ მილანის ფანები ჩამოვლენ სანსიროზე და მერე ნახონო wink wink
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

შემოგვიერთდით