Image

ტატიშვილმა ასეულის ზღვარზე მდგარ კანადელს შანსი არ დაუტოვა

სიახლეები / ჩოგბურთი 12-ნოე, 19:069 FCB 1343


















საქართველოს პირველი ჩოგანი ანა ტატიშვილი, რომელიც ქალთა საჩოგბურთო ასოციაციის (WTA) რეიტინგში მისთვის პირადსარეკორდო 134-ე ადგილზე იმყოფება, ფენიქსის 75-ათასიან ტურნირს ჩინებულ ფორმაში შეხვდა და საწყისი ორი რაუნდის გავლა იოლად მოახერხა.
20 წლის ტატიშვილმა პირველ წრეში “უაილ ქარდით” მიწვეულ 15 წლის ამერიკელ მედისონ კეისს 6:4, 6:2 სძლია, რაშიც გასაკვირი არაფერი ყოფილა, მერვედფინალში კანადელი რებეკა მარინოს განადგურება კი ნამდვილად მოულოდნელი გახლდათ.

მარინო არიზონულ ტურნირზე მე-6 ნომრად გახლდათ განთესილი, მსოფლიოს რეიტინგში კი გასულ მატჩამდე 101-ე პოზიცია ეკავა, თუმცა, ქართველ ჩოგბურთელს სათანადო წინააღმდეგობა ვერ გაუწია და 2:6, 4:6 წააგო.

მეოთხედფინალში გასვლით ტატიშვილმა 30 სარეიტინგო ქულა გამოიმუშავა, თუმცა, ეს რეიტინგში წინვლისთვის არასაკმარისია. საქმე ის გახლავთ, რომ შარშან ანამ ფენიქსის ტურნირის ნახევარფინალში ითამაშა და 50 ქულა გამოიმუშავა, ამდენად თუკი “მინუსებში წასვლა” არ სურს, ქართველმა გოგონამ მინიმუმ აღნიშნული შედეგი უნდა გაიმეოროს.

ტატიშვილის მომდევნო მეტოქე უკრაინელი ტატიანა ლუჟანსკასა და კანადელი ჰეიდი ელ ტაბახის მატჩში ირკვევა, ჩვენის მხრივ კი იმასაც დავძენთ, რომ ფენიქსის ტურნირის ფინალისტი 78 ქულას მიიღებს, ჩემპიონს კი 110 ქულა ერგება.

ანასგან განსხვავებით, წარმატებული სვლა შეწყვიტა ოქსანა კალაშნიკოვამ, რომელიც ბელორუსის დედაქალაქ მინსკში 25-ათასიან ტურნირზე თამაშობდა. მე-5 ნომრად განთესილი 20 წლის ქართველი ჩოგბურთელი მეოთხედფინალში სლოვაკ თანატოლ კრისტინა კუჩოვას გადაეყარა და 7:6 (7:1), 2:6, 3:6

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივნისი 2019 (262)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა