Image

ფედერერი პირველად გავიდა პარიზის მასტერსტურნირის ნახევარფინალში

სიახლეები / ჩოგბურთი 13-ნოე, 17:249 FCB 1311


















როჯერ ფედერერმა პარიზის მასტერსტურნირის მეოთხედფინალში ავსტრიელი იურგენ მელცერი დაამარცხა და კარიერაში პირველად უწია იქაურ ნახევარფინალს.

29 წლის შვეიცარიელმა მაესტრომ, რომელიც სტოკჰოლმისა და ბაზელის ტურნირებზე გამარჯვების შემდეგ ბოლო ოთხ კვირაში თავის ზედიზედ მესამე ტიტულზე ნადირობს, მსოფლიო რეიტინგის მე-12-ადგილოსან მეტოქეს 6:1 7:6 (7:4) აჯობა.

მატჩის მსვლელობისას მან 18 ეისი შეასრულა, რითიც თავისი აქამდელი პირადი რეკორდი ორსეტიანი მატჩისთვის, რომელიც 2001 წელს მარსელის ტურნირზე ფრანგ სირილ სოლნიეს წინააღმდეგ დაემყარებინა, 1 გამჭოლი მოწოდებით გააუმჯობესა.

ამ მოგებით როჯერმა წლეულს 12 მარცხის წილ მე-60 გამარჯვება მიითვალა.

ფინალში გასასვლელად ის ახლა ბრიტანელ ენდი მარეისა და შარშანდელ ფინალისტს, ფრანგ გაელ მონფისს შორის მოგებულს შეხვდება.

გადამწყვეტი მატჩის მეორე საგზურისთვის კი ერთმანეთს შვედი რობინ სოდერლინგი და ფრანგ მიშელ ლოდრა დაუპირისპირდებიან.

მსოფლიო რეიტინგის მე-5 საფეხურზე მდგარმა შვედმა, რომელსაც მასტერსის სერიის არც ერთი ტურნირი არ მოუგია, ამერიკელ ენდი როდიკს დამაჯერებლად - 7:5 6:4 - სძლია და ასევე პირველად მიატანა პარიზულ ნახევარფინალს.

რაც შეეხება ლოდრას, რომელმაც წინა წრეში შარშანდელი ჩემპიონი, სერბი ნოვაკ ჯოკოვიჩი დაჯაბნა, ის ამჯერად 2006 წლის ჩემპიონს, რუს ნიკალაი დავიდენკოს აღემატა 7:5 6:1. აღსანიშნავია, რომ 30 წლის ფრანგისთვის ეს მასტერსის სერიის 41-ე ტურნირია და ამ სერიის შეჯიბრებებზე ნახევარფინალში გასვლა მან პირველად შეძლო.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივნისი 2019 (275)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
რეკლამა