აირჩიეთ გუნდი:

ავთანდილ ხურციძის წინასამატჩო პრესკონფერენცია სპორტის სამინისტროში გაიმართა



პროფესიონალი ქართველი მოკრივე - ავთანდილ ხურციძე საერთაშორისო კრივის ორგანიზაცია IBO-ს ვერსიით, საშუალო წონით კატეგორიაში მსოფლიოს ჩემპიონის ქამრის მოსაპოვებელ ორთაბრძოლას 13 მარტს თბილისის „სპორტის სასახლეში" გამართავს.

ხურციძის მეტოქე პოლონელი მარიუშ სენდროვსკი იქნება. შეხვედრის ორგანიზატორები უკრაინული საპრომოუტერო კომპანია - Elite Boxing Promotion და სპორტისა და ახალგაზრდობის საქმეთა სამინისტრო არიან. 13 მარტს სპორტის სასახლეში ჯამში სულ 6 ორთაბრძოლა ჩატარდება.

ხურციძე-სენდროვსკის დაპირისპირების გარდა, რინგზე რამდენიმე შეხვედრა შედგება, სადაც ქართველი მოკრივეებიც მიიღებენ მონაწილეობას. ორთაბრძოლები 20:00 საათზე დაიწყება, ხურციძისა და სენდროვსკის შეხვედრის პირდაპირი ტრანსლაცია კი საქართველოს საზოგადოებრივი მაუწყებლის ეთერით გადაიცემა.

11 მარტს, 20:00 საათზე სპორტისა და ახალგაზრდობის საქმეთა სამინისტროში პრესკონფერენცია გაიმართა, რომელზეც ავთანდილ ხურციძემ პირად მწვრთნელებთან და მენეჯერებთან ერთად 13 მარტს გასამართ ორთაბრძოლაზე ისაუბრა. პრესკონფერენციას სპორტისა და ახალგაზრდობის საქმეთა მინისტრის მოადგილეები - დავით ნამგალაურთი და გიორგი გალდავა დაესწრნენ.

დავით ნამგალაური:" 13 მარტს გასამართი ორთაბრძოლა ჩვენთვის ძალიან მნიშვნელოვანია. უკრაინულ მხარესთან თანამშრომლობა საორგანიზაციო საკითხებზე დაახლოებით თვენახევრის წინ დავიწყეთ და მათთან კარგი ურთიერთობა დავამყარეთ. სამინისტროში შექმნილი იყო სპეციალური ჯგუფი, რომელიც უკრაინულ მხარეს ეხმარებოდა. იმედი გვაქვს, რომ ქართველ გულშემატკივარს ლამაზ საღამოს ვაჩუქებთ. ძალიან გვინდა, რომ ავთომ მეტოქე დაამარცხოს და ქართველი ქომაგები გაახაროს.

ავთანდილ ხურციძე:" 13 მარტი მნიშვნელოვანი დღეა ჩემს კარიერაში. საშუალება მეძლევა IBO-ს ვერსიით მსოფლიოს ჩემპიონი გავხდე. ძლიერი მოწინააღმდეგე მყავს, გრძელი ხელებით და ტექნიკით გამორჩეული, თუმცა იმედი მაქვს რომ გავიმარჯვებ. დიდი მადლობა ყველას, ვინც ამ საღამოს ორგანიზებაში გვეხმარება და ქართველი გულშემატკივრის თავალწინ ჩხუბის საშუალებას მაძლევს".

წყარო: სამინისტროს პრესსამსახური  
Загрузка...
მოგეწონათ ჩვენ მიერ შემოთავაზებული სტატია? გთხოვთ დააჭიროთ ღილაკს:

0

1466
ჯგუფ სტუმარი-ის წევრებს არ აქვთ კომენტარის დატოვების უფლება.

დღის სიახლეები

ოფიციალური გვერდი

რეკლამა საიტზე

რეკლამა საიტზე

www.esport.ge -

All right reserved.